علی ظفر پاکستان کا مثبت چہرہ اجاگر کرنے والے امریکی صحافی کے معترف

بول نیوز  |  Sep 20, 2021

گلوکار و اداکار علی ظفر نے امریکی صحافی گلین بیک کی افغانستان میں پاکستان کی مدد کے حوالے سے شیئر کی گئی کہانی پر اپنا ردعمل دے دیا۔

علی ظفر نے گلین بیک کو سراہتے ہوئے کہا کہ یہ سلسلہ وار ٹوئٹس ان تمام لوگوں کے لئے ہے جو انسانیت پر سے اپنا اعتبار کھو بیٹھے ہیں۔

انہوں نے عمران خان کے ساتھ گلین بیک کا بھی پاکستان کا مثبت چہرہ اجاگر کرتی کہانی کو شیئر کرنے پر شکریہ ادا کیا۔

A thread worth reading specially for those who’ve lost hope in humanity. Thank you @ImranKhanPTI and thank you @glennbeck for sharing this story. Our heart felt prayers for the #Afghanwomen #Olympic #soccer team. https://t.co/a999nm6Jfj

— Ali Zafar (@AliZafarsays) September 20, 2021

علی ظفر نے اپنے ٹوئٹ کے آخر میں کہا کہ ہماری تمام تر نیک خواہشات اور دعائیں افغان خواتین کھلاڑیوں کے ساتھ ہیں۔

واضح رہے کہ امریکی صحافی گلین بیک نے اپنے حالیہ سوشل میڈیا پیغامات میں افغانستان سے صحافیوں اور امریکیوں کے انخلاء میں مدد پر وزیراعظم عمران خان اور پاکستانی عوام کا شکریہ ادا کیا ہے۔

گلین بیک نے تمام ممالک کو مخاطب کرتے ہوئے کہا کہ ہم سب کو پاکستان کی امداد کو اجتماعی طور پر تسلیم کرنا چاہئیے ،ہم کسی کو اس لمحے کو فراموش کرنے کی اجازت نہیں دیں گے جس نے امریکا اور اس کے اتحادیوں کو ان کے وعدوں کو پورا کرنے کے قابل بنایا اور ان کی فوری مدد کی۔

آخر میں انہوں نے کہا کہ سب یہ یاد رکھیں کہ افغان خواتین کی ٹیم عمران خان کی وجہ سے ہی افغانستان سے نکل سکی ہے۔

گلین بیک کا کہنا تھا کہ افغانستان سے نکلنے کے لئے دنیا کے کئی رہ نماؤں سے رابطہ کیا لیکن کوئی قریب نہ آیا۔

انہوں نے کہا کہ وزیر اعظم عمران سے مدد کا کہا تو وہ فوری طور پر عسکری اور سول وسائل اور عزم کے ساتھ سامنے آئے۔

امریکی صحافی گلین بیک نے کہا کہ پاکستان اور وزیر اعظم کی طرف سے کی جانے والی مدد کا شکریہ الفاظ میں ادا نہیں کیا جا سکتا۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More