نیب کراچی کی ملیر ڈیویلپمنٹ اتھارٹی کے سابق ڈی جی محمد سھیل کے خلاف انکوائری شروع

بول نیوز  |  Sep 22, 2021

نیب کراچی نے ملیر ڈیویلپمنٹ اتھارٹی کے سابق ڈی جی محمد سھیل کے خلاف انکوائری شروع کر دی ہے۔

تفصیلات کے مطابق نیب کراچی نے ملیر ڈویلپمنٹ اتھارٹی کے سابق ڈی جی محمد سھیل کے خلاف غیر قانونی بھرتیوں، اختیارات کا ناجائز استعمال اور کرپشن کی انکوائری شروع کر دی ہے۔

ذرائع کا کہنا ہے کہ نیب کراچی نے لوکل گورنمنٹ سندھ کے سیکرٹری کو خط لکھا ہے۔

ذرائع کا کہنا ہے کہ خط میں ملير ڈیویلپمنٹ اتھارٹی کی جنوری 2006 سے لے کر آج تک خرچ کی گئی بجٹ تفصیلات، گورننگ باڈی کے اجلاس کی تفصیلات، بھرتیوں، مقرریوں اور اتھارٹی میں کے ڈی اے اور دیگر اداروں سے کی گئی مقرریوں کی تفصیلات کے بارے میں پوچھا گیا ہے۔

ذرائع کا کہنا ہے کہ نیب نے سیکریٹری سندھ لوکل گورنمنٹ کو ہدایت کی کہ اس ضمن میں کی گئی تمام تر معلومات محکمے کے سیکشن افسر کے ذریعے نیب کراچی کو مہیا کی جائیں۔

ذرائع کا کہنا ہے کہ ملیر ڈویلپمنٹ اتھارٹی میں 2011 سے 2016 تک 1000 سے زائد افراد کو سروس قوانین کے برخلاف اتھارٹی میں بغیر اشتہار، ٹیسٹ اور انٹرویوز کے ملازمتیں دی گئی تھیں۔

ذرائع کے مطابق اتھارٹی میں مختلف ادوار میں اربوں روپے کی زمینیں خلاف قانون مختلف افراد اور کمپنیز کو بھی دی گئی ہیں۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More