تین ماہ میں تجارتی خسارے میں اضافہ ریکارڈ

بول نیوز  |  Oct 04, 2021

تین ماہ میں  تجارتی خسارے میں اضافہ ریکارڈ کیا گیا ہے۔

تفصیلات کے مطابق تجارتی خسارہ 100 فیصد سے بھی بڑھ گیا، رواں مالی سال کی پہلی سہ ماہی میں 18 ارب 63 کروڑ ڈالر سے زائد کی درآمدات ریکارڈ کی گئیں۔

 ادارہ شماریات  کی رپورٹ کے مطابق گزشتہ مالی سال کی پہلی سہ ماہی میں 11 ارب 28 کروڑ ڈالر سے زائد کی درآمدات تھیں، پہلی سہ ماہی میں 5 ارب 81 کروڑ ڈالر سے زائد کا تجارتی خسارہ ریکارڈ کیا گیا ہے۔

ادارہ شماریات  کے مطابق رواں مالی سال کی پہلی سہ ماہی میں 6ارب 96 کروڑ ڈالر سے زائد کی برآمدات رہیں جبکہ ماہ ستمبر میں اگست کے مقابلے میں برآمدات میں 5.92 فیصد کا اضافہ ہوا ہے۔

 ادارہ شماریات  کی رپورٹ کے مطابق ماہ اگست کے مقابلے میں ستمبر میں تجارتی خسارہ میں 5.33 فیصد کی کمی آئی جبکہ گزشتہ سال ستمبر کے مقابلے میں رواں سال ستمبر میں تجارتی خسارہ میں 70 فیصد سے زائد کا اضافہ ہواہے۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More