ایشین کرکٹ کونسل کا اجلاس  کل دبئی میں ہوگا

بول نیوز  |  Oct 13, 2021

ایشین کرکٹ کونسل کا اجلاس کل دبئی میں ہوگا جس میں پاکستان کرکٹ بورڈ (پی سی بی) کے چیئرمین رمیز راجہ بھی شرکت کریں گے۔

تفصیلات کے مطابق اجلاس میں اگلے برس ہونے والے ایشیا کپ کے حوالے سے بات چیت ہو گی، ایشیا کپ کی میزبانی سری لنکا نے کرنی ہے۔

ذرائع کا کہنا ہے کہ اجلاس کی سائیڈ لائنز پر چئیرمین  پی سی بی رمیز راجہ کی بھارت سمیت دیگر بورڈز کے عہدیداران سے بھی ملاقات کا امکان  ہے۔

رمیز راجہ بنگلہ دیش اور سری لنکا کے عہدیداران سے آئی سی سی کے ایونٹس کی میزبانی کے حوالے سے بات کریں گے ۔

ذرائع کا کہنا ہے کہ ایمریٹس کرکٹ بورڈ حکام سے بھی آئی سی سی ایونٹس کی میزبانی کے حوالے سے بات ہو گی۔

 ذرائع کا مزید کہنا ہے کہ پاکستان کرکٹ بورڈ(پی سی بی ) نے آئندہ سرکل کے لئیے متحدہ عرب امارات سری لنکا اور بنگلہ دیش بورڈز کے ساتھ ایونٹس کی میزبانی کی پیشکش کے لئے دلچسپی کا اظہار کیا ہوا ہے۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More