پنجاب حکومت یورپی یونین کے ماڈل سے فائدہ اٹھا سکتی ہے، سفیر یورپی یونین

بول نیوز  |  Oct 14, 2021

یورپی یونین کی سفیر اندرولا کمینارا کا کہنا ہے کہ پنجاب حکومت یورپی یونین کے ماڈل سے فائدہ اٹھا سکتی ہے۔

تفصیلات کے مطابق یورپی یونین کی سفیر اندرولا کمینارا سے سی ای او پنجاب سرمایہ کاری بورڈ ڈاکٹر ارفع اقبال کی ملاقات ہوئی جس میں پنجاب میں چھوٹے درجے کی صنعتوں کی ترقی کیلئے تجاویز پر اتفاق کیا گیا۔

اندرولا کمینارا نے کہا کہ جی ایس پی پلس کے کاروبار پر اثرات کا ڈیٹا اکٹھا کرنا ہوگا، یہ یقینی بنانا ہو گا کہ پاکستان میں مزدوروں کے حقوق محفوظ ہیں۔

یورپی یونین کی سفیر اندرولا کمینارا نے مزید کہا کہ جی ایس پی پلس نے چھوٹی صنعتوں کی ترقی میں کردار ادا کیا ہے، جنسی برابری، ماحولیات اور ایسے ہی دیگر قوانین کا اطلاق بہت اہم ہے۔

دوسری جانب سی ای او پنجاب سرمایہ کاری بورڈ ڈاکٹر ارفع اقبال نے کہا کہ پاکستان عالمی قوانین کی مکمل پاسداری کررہا ہے، پاکستانی مصنوعات کی پذیرائی کیلئے اقدامات اٹھا رہے ہیں، پنجاب کو ترقی کیلئے یورپی یونین اور عالمی برادری کی ضرورت ہے۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More