سعودی عرب:مساجد میں قرآن کی ناظرہ،حفظ کی تعلیم بحال

سماء نیوز  |  Oct 14, 2021

فوٹو: اے ایف پی

سعودی عرب کی مساجد میں کرونا وبا کی وجہ سے ڈیڑھ سال سے تعطل کا شکار دعوت اور قرآن مجید کی ناظرہ و حفظ کی تعلیم کا سلسلہ بحال ہوگیا۔

العربیہ ڈاٹ نیٹ کے مطابق سعودی عرب کے وزیر برائے مذہبی امور اور دعوت و ارشاد عبدالطیف بن آل الشیخ نے ملک بھر کی تمام مساجد میں حلقہ ہائے درس اور تحفیظ القرآن کا سلسلہ بحال کرنے اور خواتین کے قرآن کورسز دوبارہ شروع کرنے کی ہدایت کی ہے۔

مرد و خواتین تدریس اور تحفیظ القرآن میں اب شرکت کرسکیں گے تاہم انہیں صحت کے حوالے سے وضع کردہ ایس اوپیز بالخصوص سماجی فاصلے پرعمل درآمد، کرونا ویکسی نیشن کی تصدیق اور توکلنا ایپ کے ذریعے اپنی رجسٹریشن کرانا ہوگی۔

وزیر مذہبی امور عبداللطیف بن عبدالعزیز آل الشیخ نے 14 رجب المرجب1441 ھ کو سعودی عرب کی تمام مساجد میں دعوتی، تدریسی اور حفظ قرآن کریم کے تمام پروگرامات تا اطلاع ثانی بند کرنے کا حکم صادر کیا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More