ستاروں کے ستارے گردش میں، نورا فتحی 200 کروڑ روپے کے فراڈ کیس میں طلب

اردو نیوز  |  Oct 14, 2021

کینیڈین نثراد انڈین اداکارہ نورا فتحی جمعرات کے روز 200 کروڑ روپے کے غبن کے کیس میں نئی دہلی میں ’انفورسمنٹ ڈائریکٹوریٹ‘ کے سامنے پیش ہوئیں۔

غبن اور بھتہ خوری کے اس کیس میں دو ملزمان چندرا شیکھر اور ان کی اہلیہ غیر معروف اداکارہ لینا پال پہلے سے ہی گرفتار ہیں۔

انڈین چینل ’این ڈی ٹی وی‘ کے مطابق نورا فتحی کو پہلے سے گرفتار جوڑے سے مبینہ تعلق پر پوچھ گچھ کرنے کے لیے بلایا گیا تھا۔

اسی کیس میں بالی وڈ کی ایک اور اداکارہ جیکلین فرنینڈس بھی ’انفورسمنٹ ڈائریکٹوریٹ‘ کے سامنے پیش ہوں گی۔

تاہم انڈین نیوز ایجنسی ’اے این آئی‘ کے مطابق دونوں اداکارائیں بھی چندرا شیکھر کے ہاتھوں مالی نقصان کا شکار رہی ہیں۔

چندرا شیکھر اور لینا پال کو ادیتی سنگھ نامی خاتون کی شکایت پر گرفتار کیا گیا تھا۔ ادیتی کا دعویٰ ہے کہ ’ان کے شوہر شویندر سنگھ ایک کیس میں گرفتار تھے، ایسے میں ایک شخص نے وزارت قانون کا سینیئر افسر بن کر انہیں فون کیا اور کہا کہ وہ رقم کے بدلے میں ان کے شوہر کو ضمانت پر رہا کروا سکتے ہیں۔‘

ادیتی سنگھ کا دعویٰ ہے کہ جون 2020 سے لے کر اب تک چندرا شیکھر کو 30 اقساط میں 200 کروڑ روپے دے چکی ہیں اور انہیں بتایا گیا تھا کہ یہ رقم انڈیا کی حکمران جماعت بھارتیہ جننتا پارٹی (بی جے پی) کے فنڈ میں جمع ہوگی۔

چندرا شیکھر کی بیوی لینا پال کون ہیں؟

انڈین اخبار انڈین ایکسپریس کے مطابق ان کا پورا نام لینا ماریہ پال ہے جو تعلیم کے اعتبار سے بینگلور میں دندان ساز تھیں، لیکن انہوں نے اداکاری کے شوق میں اپنے پیشہ ورانہ کیریئر کو خیرباد کہا اور شوبر انڈسٹری کی جانب رخ کرلیا۔

لینا پال نے اپنے فلمی سفر کا آغاز 2009 میں ملیالم زبان کی فلم ’ریڈ چلیز‘ سے کیا اور بعد میں ’ہزبینڈز ان گوا‘، ’کوبرا‘ اور بریانی جیسی فلموں میں بھی کام کیا۔

لینا ماریہ پال نے اداکاری کے شوق میں اپنے پیشہ ورانہ کیریئر کو خیرباد کہا اور شوبر انڈسٹری کی جانب رخ کرلیا (فائل فوٹو: انڈیا ٹوڈے)نورا فتحی سوشل میڈیا پر ٹاپ ٹرینڈ

اس وقت نورا فتحی کا نام سوشل میڈیا پر ٹاپ ٹرینڈز میں شامل ہے اور صارفین ان کی اس کیس میں ’انفورسمنٹ ڈائریکٹوریٹ‘ کے سامنے حاضری پر طرح طرح کے تبصرے کررہے ہیں۔

جیون سنگھ نامی ٹوئٹر صارف نے اداکار انیل کپور کی فلم ’نائیک‘ کی تصویر شیئر کی جس پر لکھا تھا ’سب کے سب چور ہیں۔‘

ED has summoned #NoraFatehi in a money laundering case of 200 cr...

ED & NCB are like this to entire bollywood.... pic.twitter.com/7rT9kA655N

— Jevan Singh (@JevanSingh10) October 14, 2021

ٹوئٹر پر زوم ٹی وی نے ایک ویڈیو بھی لگائی جس میں نورا فتحی کو ’انفورسمنٹ ڈائریکٹوریٹ‘ کے دفتر میں داخل ہوتے ہوئے دیکھا جاسکتا ہے۔

#NoraFatehi snapped entering the ED office in connection to the money laundering case pic.twitter.com/vmsJS4KHcZ

— @zoomtv (@ZoomTV) October 14, 2021

ایک ٹوئٹر صارف نے نورا فتیحی کا مذاق اڑانے کے لیے مشہور فلم ’ہیرا پھیری‘ کی میم بھی شیئر کی۔

#NoraFatehi right now pic.twitter.com/8Zvj3W9Unx

— Mohammad Aarif (@aareif) October 14, 2021

اکھیلیش نامی ٹوئٹر صارف نے الزام لگایا کہ بالی وڈ کے پروڈیوسرز غیر ملکی اداکاروں کا استعمال کرتے ہیں کالا دھن ملک سے باہر بھیجنے کے لیے۔

The secret of Bollywood producers of first creating and then using non-Indian actors to stash away ill-gotten money stands exposed by ED #NoraFatehi #JacquelineFernandez

— AkhileshGM (@Akhigm) October 14, 2021

اس حوالے سے نورا فتحی یا جیکلین فرنینڈس کی جانب سے تاحال کوئی بیان سامنے نہیں آیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More