انٹربینک، اوپن مارکیٹ میں ڈالر کی قیمت میں مسلسل اضافہ

سماء نیوز  |  Oct 20, 2021

انٹر بینک مارکیٹ میں ڈالر69 پیسے اضافے کے بعد تاریخ کی بلند ترین سطح 173.47 روپےاور اوپن مارکیٹ میں ڈالر 50 پیسے اضافے کے بعد 173.80 روپے پر آگیا۔

تجزیہ کاروں کے مطابق ڈالر کی قیمت میں مسلسل اضافے کی وجہ پاکستان کے آئی ایم ایف سے مذاکرات ہیں اور آئی ایم ایف کی شرائط پر عمل درآمد کرنے کی غرض سے حکومت پاکستانی کرنسی کی قدر میں کمی کر رہی ہے تاکہ پاکستان کے آئی ایم ایف سے مذاکرات کامیابی سے اختتام پذیر ہوسکیں۔

تجزیہ کار فیضان احمد نے پیر کو سماء ڈیجیٹل سے گفتگو کرتے ہوئے کہا کہ پاکستان کے آئی ایم ایف کے ساتھ مذاکرات کا ڈالر پر کوئی اثر نہیں ہوا کیونکہ مذاکرات مثبت انداز میں آگے بڑھ رہے ہیں تاہم اس وقت درآمدات پر دباؤ کافی ہے جس کی وجہ سے ڈالر کی طلب میں بھی اضافہ ہوگیا ہے۔

تجزیہ کار نے کہا کہ عالمی مارکیٹ میں کموڈیٹیز کی قیمتوں میں بھی اضافہ ہوا ہے،عالمی مارکیٹ میں خام تیل کی قیمت تاریخ کی بلند ترین سطح 85 ڈالر فی بیرل ہوگئی ہے جس کے باعث درآمدی بل میں بھی اضافہ ہوا ہے۔

 جبکہ ایکسچینج کمپنیز ایسوسی ایشن کے جنرل سیکریٹری ظفر پراچہ کا کہنا تھا کہ انٹر بینک مارکیٹ اور اوپن مارکیٹ میں فی الحال ڈالر کی طلب نہیں ہے تو ڈالر کی قیمت 155 روپے سے زیادہ نہیں ہونی چاہیے تھی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More