دبئی:بھارت کو شکست، قومی ٹیم کا ہوٹل میں جشن

سماء نیوز  |  Oct 25, 2021

 

بھارت کے خلاف کامیابی کے بعد پاکستان کرکٹ ٹیم نے ہوٹل پہنچ کر بھرپور جشن منایا اور کیک کاٹا۔

دبئی میں بھارت کو ورلڈٹی 20 کے میچ میں شکست دے کر قومی ٹیم جب ہوٹل پہنچی تو تماشائیوں کی بڑی تعداد ہوٹل کے باہر جمع تھی۔ کھلاڑیوں کو دیکھ کر شائقین نے بھرپورنعرے بازی کی اور ان کی کارکردگی کو سراہا۔

ہوٹل میں کھلاڑیوں نے جیت کا جشن کیک کاٹ کر منایا۔ اس موقع پر کھلاڑیوں کے چہرے پر اہم فتح کی خوشی دیدنی تھی۔ اس موقع پر فیلڈنگ کوچ عبدالمجید کی سالگرہ کا کیک بھی کاٹا گیا۔ کچھ کھلاڑیوں کے بچے بھی ان کے ہمراہ تھے اور انھوں نے بھی ان لمحات کو بھرپور انجوائے کیا۔

اس سے قبل فتح کے بعد ڈریسنگ روم میں کھلاڑیوں سے بات کرتےہوئے کپتان بابر اعظم نے کہا کہ بطور ٹیم پاکستان نے کامیابی حاصل کی ہے اور یہ کسی ایک کھلاڑی کی جیت نہیں ہے۔ انھوں نے کہا کہ جیت کی عادت ختم نہیں ہونی چاہئے اور ابھی شروعات ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More