قوموں کی آبرو بہادر سپاہیوں کی وجہ سے قائم رہتی ہے، بلاول بھٹو

بول نیوز  |  Oct 27, 2021

چیئرمین پیپلز پارٹی بلاول بھٹو زرداری نے کہا ہے کہ قوموں کی آبرو بہادر سپاہیوں کی وجہ سے قائم رہتی ہے۔

تفصیلات کے مطابق چیئرمین پیپلز پارٹی بلاول بھٹو زرداری نے پاک افغان سرحد پر دہشت گردوں کا مقابلہ کرتے ہوئے اپنی زندگیاں قربان کرنے والے فرنٹیئر کانسٹبلری کے دو سپاہیوں کی شہادت پر بیان دیتے ہوئے کہا ہے کہ لانس نائیک اسد اور سپاہی آصف نے اپنی زندگیاں داؤ پر لگادیں مگر اپنے فرض پر سمجھوتہ نہیں کیا۔

انہوں نے کہا کہ قوموں کی آبرو ایسے ہی بہادر سپاہیوں کی وجہ سے قائم رہتی ہے ، افغانستان سے ملحقہ سرحد پر دہشت گردوں کی جانب سے درندازی کی مذموم کوششیں تشویش ناک ہیں، عالمی برادری نوٹس لے۔

چیئرمین پیپلز پارٹی بلاول بھٹو زرداری نے کہا ہے کہ اپنی سرحدوں کے دفاع میں ہر پاکستانی ایک سیسہ پلائی ہوئی دیوار ہے۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More