بابر اعظم کتنا کماتے ہیں اور شادی کب کریں گے؟

اردو نیوز  |  Nov 22, 2021

پاکستان کرکٹ ٹیم کے کپتان بابر اعظم نے اپنے متعلق گوگل کیے جانے والے پانچ سوالات کا جواب دیتے ہوئے کہا ہے کہ وہ کب شادی کریں گے یہ انہیں بھی نہیں پتا، ابھی وہ کرکٹ پر توجہ دینا چاہتے ہیں۔

ان سے ایک سوال پوچھا گیا کہ وہ کہاں رہتے ہیں؟ انہوں نے جواب دیتے ہوئے کہا کہ ’سب کو معلوم ہے لاہور میں رہتا ہوں اور لاہور کی خاصیت یہ ہے کہ یہاں کے مشہور کھانے اور پرانی جگہ جائیں تو وہاں کے پائے کافی مشہور ہیں۔‘

ان سے اگلا سوال یہ تھا کہ وہ خود کون سا بیٹ استعمال کرتے ہیں؟ پاکستان کرکٹ ٹیم کے کپتان نے بتایا کہ وہ ’گرے نکلز‘ کا بیٹ استعمال کرتے ہیں۔

انہوں نے کہا کہ وہ بیرونی دوروں پر چھ سے سات بیٹ ساتھ لے کر جاتے ہیں۔

ان سے کیا گیا اگلا سوال یہ تھا کہ وہ پیسے کتنے کماتے ہیں؟ لیکن اس سوال کا جواب دینے سے انہوں نے انکار کر دیا۔

بابر اعظم کا کہنا تھا کہ ’یہ تو میں بتاؤں گا نہیں لیکن آپ کی سوچ سے کم ہی ہیں۔‘

Let's hear @babarazam258 answer the most googled questions about him.#BANvPAK #HarHaalMainCricket pic.twitter.com/5xr7ZH8ghi

— Pakistan Cricket (@TheRealPCB) November 21, 2021

ان سوالات میں بابر اعظم کی شادی سے متعلق بھی ایک سوال تھا کہ آخر وہ کب دلہن گھر لارہے ہیں؟ بابر اعظم نے اس سوال کے جواب میں پنجابی میں کہا ’اے تے مینوں وی نئیں پتا، میرے گھر والوں کو معلوم ہے تاہم ابھی فی الحال فوکس کرکٹ پر ہے۔‘

ان سے متعلق سے سے زیادہ گوگل کیا جانے والا آخری سوال یہ تھا کہ کون سا کرکٹر ان کا آئیڈیل ہے؟

انہوں نے اپنے پرستاروں کو بتایا کہ جنوبی افریقہ کے سابق کپتان اے بی ڈیویلئرز ان کے آئیڈیل ہیں اور وہ انہیں ’کاپی‘ بھی کرتے ہیں۔

’میں اس کو کافی فالو کرتا ہوں اور وہ میرا آئیڈیل ہے۔‘

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More