نئی دہلی میں سموگ کی وجہ سے بند سکول و دفاتر پیر سے کھولنے کا فیصلہ

اردو نیوز  |  Nov 24, 2021

انڈیا کے دارالحکومت دہلی میں سموگ کی وجہ سے ایک ہفتہ قبل بند کیے گئے سکولوں کو پیر سے دوبارہ کھولا جا رہا ہے۔

فرانسیسی خبر رساں ایجنسی اے ایف پی کے مطابق وزیر ماحولیات گوپال رائے نے میڈیا سے بات کرتے ہوئے کہا کہ ’شہرمیں گذشتہ تین روز سے آلودگی کم ہوئی ہے لہٰذا پابندیوں میں نرمی کی جائے گی۔‘

حکام نے کوئلے کے پلانٹس، غیر ضروری گاڑیوں اور تعمیراتی کام پر پابندی سمیت لوگوں سے غیر ضروری طور پر گھروں سے نہ نکلنے کی اپیل کی تھی۔

سرکاری اعدادوشمار کے مطابق دہلی میں آلودگی کی سطح ایئر کوالٹی انڈیکس پر 500 کے سکیل پر 437 تھی۔

نئی دہلی کا شمار دنیا کے آلودہ ترین شہروں میں ہوتا ہے۔ ہر سال موسم سرما میں فیکٹریوں سے زہریلی گیسوں کے اخراج، گاڑیوں سے نکلنے والے دھوئیں اور فصلوں کی باقیات کو آگ لگانے کی وجہ سے دو کروڑ افراد اس کی لپیٹ میں آتے ہیں۔

گوپال رائے کا کہنا تھا کہ ’سکول، کالج اور ادارے اتوار کو کھولے جا سکتے ہیں۔ سرکاری دفاتر بھی کھلیں گے اور ہم ملازمین کو پبلک ٹرانسپورٹ استعمال کرنے کی ہدایت دیں گے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More