کل جماعتی حریت کانفرنس کی کال پر مقبوضہ کشمیر میں مکمل ہڑتال

بول نیوز  |  Nov 25, 2021

سری نگر: غیر قانونی طور پربھارت کے زیر قبضہ جموں و کشمیر میں کل جماعتی حریت کانفرنس کے نظر بند چیئرمین مسرت عالم بٹ نے بھارتی فوجیوں کے ہاتھوں جعلی مقابلوں میں معصوم شہریوں کے قتل کے خلاف مقبوضہ علاقے میں مکمل ہڑتال کی کال دی ہے۔

کشمیر میڈیا سروس کے مطابق مسرت عالم بٹ نے نئی دہلی کی تہاڑ جیل سے ایک پیغام میں کشمیری عوام سے اپیل کی ہے کہ وہ مقبوضہ علاقے میں بھارتی فوجیوں کی طرف سے جعلی مقابلوں میں بے گناہ شہریوں کے قتل کے واقعات کے خلاف مکمل ہڑتال کریں۔

بھارتی فوجیوں نے گزشتہ روز سری نگر کے علاقے رام باغ میں تین شہریوں اور15 نومبر کو شہر کے علاقے حیدر پورہ میں ایک جعلی مقابلے میں چار افراد کو گولی مار کر شہید کر دیاتھا۔

کل جماعتی حریت کانفرنس کے چیئرمین نے بھارتی فوجیوں کے ہاتھوں بے گناہ شہریوں کے قتل کی مذمت کی ۔ انہوں نے کہا کہ بھارتی مظالم کشمیریوں کی تحریک آزادی کو دبا نہیں سکتے اوروہ جدوجہد آزادی کو منطقی انجام تک جاری رکھیں گے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More