محمد عامر کی انٹرنیشنل کرکٹ میں واپسی پر مشروط آمادگی

بول نیوز  |  Nov 25, 2021

قومی کرکٹ ٹیم کے سابق فاسٹ بولر محمد عامر نے انٹرنیشنل کرکٹ میں واپسی پر مشروط آمادگی ظاہر کردی ہے۔

ٹی ٹین کرکٹ لیگ میں بنگلہ ٹائیگرز کو جوائن کرنے والے محمد عامر نے ورچوئل پریس کانفرنس میں بات کرتے ہوئے کہا کہ پی سی بی کی نئی مینجمنٹ کے ساتھ کوئی رابطہ نہیں ہوا، اگر کوئی رابطہ کرے گا تو پھر ریٹائرمنٹ واپس لینے کا فیصلہ کروں گا۔

محمد عامر کا کہنا تھا کہ عزت کے ساتھ واپسی چاہتا ہوں۔ خود سے ریٹائرمنٹ واپس نہیں لوں گا۔ بورڈ میں تبدیلی سے اپنا ذہن نہیں بدل رہا۔ ایسا نہیں چاہتا کہ خود واپسی کا اعلان کروں اور کرکٹ بورڈ حکام کہیں کہ اس کو نہیں کھالانا۔

محمد عامر کا کہنا تھا کہ فی الحال فیملی کے ساتھ وقت گزار کر زندگی کا بھرپور لطف اٹھا رہا ہوں۔ اور لیگ کرکٹ کھیل کر انجوائے کررہا یوں۔

۔محمد عامر کا مزید کہنا تھا کہ ورلڈکپ سیمی فائنل میں آسٹریلیا کے خلاف شکست کی وجہ حسن علی کے ڈراپ کیچ کو قرار دینا درست نہیں کیونکہ حسن علی کا شمار بہترین فیلڈرز میں سے ہوتا ہے اور کیچز ڈراپ ہونا کھیل کا حصہ ہے۔

محمد عامر کا مزید کہنا تھا کہ حسن علی کے کیچ ڈراپ کرنے کے بعد بھی ہمارے پاس میچ جیتنے کا موقع تھا۔ اگر اچھی بولنگ کی جاتی تو میچ میں کامیابی مل سکتی تھی۔

محمد عامر کے نزدیک ویرات کوہلی اس دور کے بہترین بلے باز ہے اور وہ میچ پر عمدگی سے کنٹرول کرلیتے ہیں۔انہیں بولنگ کرنا مشکل نہیں لگتا تاہم آسٹریلوی اسٹیون اسمتھ مشکل بیٹسمین ہے اور انہیں بولنگ کرنا ہمیشہ ایک چیلنج رہا ہے۔

فاسٹ بولر محمد عامر کے مطابق ٹی ٹین کرکٹ میں بولنگ کرنا ٹف ہوتا ہے ، پریشر میں کھیلنا مجھے اچھا لگتا ہے، کوویڈ 19 کو شکست دینے کے بعد کمزوری ہے لیکن پہلے سے بہت بہتر محسوس کر رہا ہوں۔ ٹی ٹین کرکٹ کو اولمپکس کا حصہ بنانے سے کھیل مقبول ہوگا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More