اعصام الحق اور عقیل خان جیسی جوڑی ملنا مشکل ہے،عقیل خان

بول نیوز  |  Nov 25, 2021

پاکستان کے ٹینس پلیئر عقیل خان نے کہا ہے کہ اعصام عقیل جیسی جوڑی ملنا مشکل ہے، ایک آدھ پلیئر مل سکتا ہے لیکن جوڑی کا بننا مشکل ہے۔

نجی ٹی وی چینل سے گفتگو کرتے ہوئے عقیل خان نے کہا کہ میری خوش قسمتی ہے کہ میں جب اعصام الحق کے ساتھ کھیلا اس وقت وہ انٹر نیشنل ٹینس سے منسلک تھے، جس کا فائدہ ہوا اور ہم نے مل کر بہت سی کامیابیاں حاصل کیں اور پاکستان ٹینس میں نئی تاریخ رقم کی، لیکن اپنے پیچھے مڑ کر دیکھیں تو بہت گیپ دکھائی دیتا ہے۔

عقیل خان نے کہا کہ نوجوانوں میں ٹیلنٹ کی کمی نہیں ہے، انہیں جدید سہولتیں بھی حاصل ہیں لیکن نوجوانوں میں جذبے اور فوکس کی کمی ہے۔

ان کا کہنا تھا کہ نوجوانوں کو کھیل کی فکر نہیں ہے وہ کورٹ میں آتے ہیں اور روٹین کی ٹینس کھیل کر چلے جاتے ہیں، اُنہیں نئی نئی شاٹس اور ٹیکنیکس کا علم نہیں ہے یا وہ کوشش نہیں کرتے اور جب کورٹ سے واپس جاتے ہیں تو کھیل کا نہیں سوچتے بلکہ ادھر ادھر کی مصروفیات میں پڑ جاتے ہیں موبائل فونز اور سوشل میڈیا نے نوجوانوں کی ساری توجہ حاصل کر لی ہے۔

عقیل خان کا کہنا تھا کہ نئے کھلاڑی سوشل میڈیا میں  گھنٹوں مصروف رہتے ہیں جب کھیل کی فکر نہیں ہو گی نوجوان آگے نہیں بڑھ سکتے۔

عقیل خان نے کہا کہ میں ابھی کھیل سکتا ہوں اور اس کی وجہ فٹنس ہے اور کھیل میں فٹنس ہی سب سے اہم ہے۔

پاکستان کے ٹینس پلیئر عقیل خان  کا مزید کہنا تھا کہ آج بھی مجھے اپنے میچ کی فکر ہوتی ہے، میں سمجھتا ہوں یہ جذبہ اور فکر ابھی رہے گی۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More