‘نواز شریف وزیراعظم بنا تو جو چینی 55 روپے کلو تھی، آج وہ سو سے بھی زائد ہے’

بول نیوز  |  Nov 27, 2021

مسلم لیگ (ن) کے رہنما مفتاح اسماعیل کا کہنا ہے کہ جب نواز شریف وزیراعظم بنا تب چینی 55 روپے کلو تھی، جب شاہد خاقان وزارتِ عظمیٰ چھوڑ کر گئے تو چینی 53 روپے کلو تھی، آج وہ سو سے بھی زائد ہے۔

سانگھڑ میں میڈیا سے گفتگو میں مفتاح اسماعیل نے کہا کہ نواز شریف ایک کلو گھی پر 22 روپے ٹیکس دیتے تھے، اب خان صاحب 68 روپے دیتے ہیں، پھر کوئی پوچھے کہ منہگائی کیوں ہورہی ہے؟

ن لیگی رہنما نے کہا کہ اب خان صاحب سے معشیت نہیں سنبھل رہی، خان صاحب نے بڑی گاڑیوں پر ایکسائز ٹیکس کم کردئیے اور سائیکلوں پر ٹیکس بڑھا دئیے ہیں ۔

ان کا مزید کہنا تھا کہ جب سے خان صاحب آئے ہیں ساڑھے سات کروڑ لوگ غریب ہوگئے ہیں۔ پہلے ساڑے پانچ کروڑ لوگ غریب تھے۔ ان میں سے ایک کروڑ 35 لاکھ لوگ بھوکے سوئیں گے، خان صاحب نے 50 لاکھ لوگوں کو بے روزگار کردیا ہے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More