جماعت اسلامی یوتھ کا 28 نومبر کو اسلام آباد میں ریلی نکالنے کا فیصلہ

بول نیوز  |  Nov 27, 2021

پارٹی نے 28 نومبر کو اسلام آباد میں تاریخی بے روزگاری پر مارچ نکالنے کا اعلان کیا ہے۔

سیکرٹری اطلاعات جماعت اسلامی پاکستان قیصر شریف نے بے روزگاری مارچ کی تفصیلات دیتے ہوئے کہا کہ امیر جماعت اسلامی سراج الحق کل بے روز گاری مارچ سے خصوصی خطاب کریں گے۔

ان کا کہنا تھا کہ ہم اسلام آباد انتظامیہ کی طرف سے رکاوٹوں کی مذمت کرتے ہیں، جلسہ اور احتجاج ہر پارٹی کا جمہوری حق ہے۔ رویہ تبدیل نہ کیا تو بے روزگاری مارچ سے پہلے احتجاج کا اعلان کر سکتے ہیں۔

انہوں نے کہا کہ اوچھے ہتھکنڈے نہ پہلے کامیاب ہوئے اور نہ آئندہ کامیاب ہوں گے۔

قیصر شریف نے کہا کہ حکمرانوں کی نا اہلی، مہنگائی اور بے روزگاری سے ہر کوئی تنگ آ چکا ہے۔

ان کا کہنا تھا کہ جماعت اسلامی یوتھ کے بے روزگاری مارچ میں نوجوان اپنی ڈگریوں کے ساتھ شریک ہوں گے۔

انہوں نے مزید کہا کہ حکومتی رکاوٹیں نوجوانوں کا راستہ نہیں روک سکتی۔

سیکرٹری اطلاعات جماعت اسلامی پاکستان قیصر شریف کا مزید کہنا تھا کہ وزیر اعظم کے بیانات صرف اعلانات، یوٹرن اور نئے دعوﺅں پر مشتمل ہیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More