افریقا اور ہانگ کانگ کے بعد یورپ میں بھی اومی کورن کے کیسز کی تصدیق

بول نیوز  |  Nov 28, 2021

افریقا اور ہانگ کانگ کے بعد یورپ کے کئی ملکوں میں بھی کورونا کی نئی قسم اومی کرون کے کیسز کی تصدیق ہوئی ہے۔

غیر ملکی میڈیا کے مطابق برطانیہ میں 2 افراد میں اومی کرون کی موجودگی کی تصدیق ہوئی ہے، اس حوالے سے برطانوی وزیر صضت ساجد جاوید نے کہا ہے کہ جن دو افراد میں یہ وائرس پایا گیا ہے ان کا براہ راست تعلق جنوبی افریقا سے آنے والے مسافروں کے ساتھ ہے۔

جرمنی میں بھی اومی کرون وائرس کی موجودگی کی تصدیق کی گئی ہے، جرمن حکام کے مطابق جرمن صوبے ہیسے میں جنوبی افریقا سے واپس آنے والے ایک شخص میں اومی کرون کی علامات کی تشخیص ہوئی ہے۔ اس کے علاوہ باویریا میں بھی ایک شخص میں اس وائرس کی تصدیق کی گئی ہے۔ ان دونوں افراد کے بارے میں کہا جاتا ہے کہ انہوں نے خود کو قرنطینہ نہیں کیا تھا۔

برطانیہ اور جرمنی کے علاوہ اٹلی اور جمہوریہ چیک میں بھی سرکاری سطح پر ایک ایک مریض میں اس وائرس کی تشخیص کی گئی ہے۔

ہالینڈ کی وزارت صحت سے خدشہ ظاہر کیا ہے کہ رواں ہفتے جنوبی افریقا سے آنے والے جن 61 مسافروں میں کورونا کی تشخیص ہوئی تھی وہ ممکنہ طور پر اومی کرون کے کیسز ہو سکتے ہیں تاہم ابھی اس کی باضابطہ طور پر تصدیق نہیں کی جاسکتی۔

واضح رہے کہ عالمی ادارہ صحت نے ‘اومی کرون‘ کو کورونا کی دیگر اقسام سے زیادہ مہلک قرار دیتے ہوئے کہا ہے کہ اومی کرون کے حقیقی خطرات ابھی تک سمجھ میں نہیں آسکے ہیں، لیکن ابتدائی شواہد سے پتہ چلتا ہے کہ یہ وائرس بہت زیادہ تیزی سے پھیلتا ہے ۔ وہ لوگ جو کووڈ 19 میں مبتلا ہونے کے بعد صحت یاب ہوگئے ہیں وہ بھی اومی کرون کا شکار ہوسکتے ہیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More