گیس کی لوڈشیڈنگ پر خواتین کا احتجاج، سڑک بلاک کردی

بول نیوز  |  Nov 28, 2021

ملتان میں لیگی خواتین نے گیس کی لوڈشیڈنگ اور مہنگائی کے خلاف احتجاجی مظاہرہ کیا ہے۔

تفصیلات کے مطابق لیگی خواتین نے ٹینک چوک پر احتجاج کرتے ہوئے سڑک بھی بند کردی ہے۔

خواتین کا کہنا ہے کہ گیس کی طویل لوڈ شیڈنگ کے باعث مشکلات کا سامنا ہے، گیس آئے تو پریشر بہت کم ہوتا ہے جس سے بچوں کے لیے دودھ بھی گرم نہیں کر سکتے۔

مظاہرے میں شامل خواتین کا کہنا ہے کہ مہنگا ایل پی جی سلنڈر نہیں خرید سکتے جبکہ لکڑی کی قیمتیں بھی بڑھ گئی ہیں۔

خواتین نے مزید کہا کہ گیس کی بندش کے باعث انہیں کھانے پکانے میں مشکلات کا سامنا کرنا پڑتا ہے۔

خیال رہے کہ خواتین نے ہاتھوں میں چولہے اور توئے بھی اٹھائے ہوئے ہیں۔

واضح رہے کہ خواتین نے حکومت کے خلاف شدید نعرے بازی بھی کی ہے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More