کامران بنگش کا کیمبرج یونیورسٹی انگلینڈ کا دورہ

بول نیوز  |  Nov 28, 2021

خیبرپختونخوا کے وزیر برائے اعلیٰ تعلیم و اطلاعات کامران خان بنگش نے کیمبرج یونیورسٹی انگلینڈ کا دورہ کیا ہے۔

صوبائی وزیر کامران بنگش نے کیمبرج یونیورسٹی کے اعلیٰ عہدیداران سے ملاقات کی اور کیمبرج یونیورسٹی کے مختلف شعبہ جات کا دورہ کیا۔

مختلف شعبہ جات کے اعلیٰ عہدیداران نے وزیر تعلیم کا استقبال کیا اور شعبے کی کارکردگی کے حوالے سے آگاہ کیا۔

اس حوالے سے کامران بنگش نے کہا کہ پاکستان میں اساتذہ اور اسکالرز کو اعلیٰ تعلیمی سہولیات مہیا کرنے کے لیے کوشاں ہیں۔

انہوں نے مزید کہا کہ خیبر پختونخوا یونیورسٹیز کے اساتذہ اور طلباء کو کیمبرج یونیورسٹی لندن سے مختلف شعبہ جات میں پی ایچ ڈی کے مواقع فراہم کیے جائیں گے۔

دوسری جانب کیمبرج یونیورسٹی کی اعلیٰ انتظامیہ نے وزیر تعلیم کی کوششوں کو سراہا اور مکمل تعاون کی یقین دہانی کروائی۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More