ہماری حکومت نے بیرون ملک مقیم پاکستانیوں کا دیرینہ مطالبہ تسلیم کیا، وزیراعلیٰ پنجاب

بول نیوز  |  Nov 28, 2021

عثمان بزدار نے کہا ہے کہ ہماری حکومت نے بیرون ملک مقیم پاکستانیوں کا دیرینہ مطالبہ تسلیم کیا ہے۔

وزیراعلیٰ پنجاب سردار عثمان بزدار سے اوورسیز پاکستانیز کمیشن پنجاب کے وائس چیئرمین مخدوم طارق محمودالحسن کی قیادت میں وفد کی ملاقات ہوئی ہے۔

عثمان بزدار نے ملاقات میں گفتگو کرتے ہوئے کہا کہ تحریک انصاف کی حکومت نے اوورسیز پاکستانیوں کو ووٹ کا حق دیا ہے۔

انہوں نے کہا کہ ماضی کی کسی بھی حکومت نے اوورسیز پاکستانیوں کو ووٹ دینے کے حق کے بارے میں سوچا تک نہیں، سابق حکومتیں اوورسیز پاکستانیوں کو کھوکھلے نعروں سے بہلاتی رہیں، اپوزیشن جماعتوں نے اوورسیز پاکستانیوں کو ووٹ کا حق دینے کی مخالفت کر کے اپنا دوغلہ پن ظاہر کیا ہے۔

وزیراعلیٰ پنجاب کا کہنا ہے کہ وزیراعظم عمران خان کی قیادت میں تاریخ میں پہلی بار دیار غیر میں بسنے والوں کو ان کا حق واپس کیا گیا ہے، تحریک انصاف کی حکومت نے اوورسیز پاکستانیوں کے مسائل کے حل کیلئے عملی اقدامات کئے ہیں۔

عثمان بزدار نے کہا کہ بیرون ملک مقیم پاکستانی وطن عزیز کے سفیر ہیں، ملکی معیشت کی مضبوطی کیلئے اوورسیز پاکستانیوں کا کردار فراموش نہیں کرسکتے۔

انہوں نے مزید کہا کہ سمندر پار پاکستانیوں کے مسائل کے حل کیلئے جامع پالیسی بنائی گئی ہے، اوورسیز پاکستانیز کمیشن پنجاب کو فعال ادارہ بنایا ہے۔

دوسری جانب وفد نے وزیراعلیٰ سے گفتگو کرتے ہوئے کہا کہ تحریک انصاف کی حکومت اوورسیز پاکستانیوں کی حکومت ہے۔

انہوں نے کہا کہ آپ کی قیادت میں پنجاب میں اوورسیز پاکستانیو ں کے مسائل کے حل کیلئے حقیقی معنوں میں ٹھوس اقدامات کئے گئے ہیں۔

وفد نے مزید کہا کہ اوورسیز پاکستانیو ں کے مسائل کے حل میں ذاتی دلچسپی پر آپ کے شکرگزار ہیں۔

واضح رہے کہ بیرون ملک مقیم پاکستانیوں کے وفد میں سید قمر رضا، رانا عبدالستار، عمران خلیل، عمر اسحاق اور امتیاز احمد شامل تھے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More