مکان مالک کا کئی سال بعد بہن بھائی کے قتل کا اعتراف

بول نیوز  |  Nov 28, 2021

مکان مالک نے 4 سال بعد بہن بھائی کے قتل کا اعتراف کرلیا ہے۔

تفصیلات کے مطابق راولپنڈی کے تھانہ جاتلی کے علاقے سے 4 سال قبل اغواء ہونے والے شہری کی مکان کی کھدائی کے دوران نعش کی باقیات ملی تھیں، نعش کی باقیات ملنے کے بعد حراست میں لیے جانے والے مالک مکان ملزم نے سنسنی خیز انکشافات کئے۔

پولیس حکام نے کہا کہ اغواء اور قتل کے الزام میں گرفتار ملزم نے نہ صرف مغوی بلکہ اس کی ہمشیرہ کے قتل کا بھی اعتراف کرلیا اور بتایا کہ مغوی کو تیز دار آلے اور تقریبا 4 ماہ بعد ہمشیرہ کو ڈنڈوں سے وار کر کے قتل کیا تھا۔

پولیس حکام کے مطابق 2017 میں مغوی کے اغواء کا مقدمہ اس کے بھائی کی ہی مدعیت میں درج کیا گیا تھا جبکہ اس کی ہمشیرہ کے قتل کا مقدمہ مغوی کے اغواء ہونے کے 4 ماہ بعد نامعلوم ملزمان کے خلاف درج کیا گیا تھا۔

پولیس حکام کا کہنا ہے کہ مقتول کی نعش کی شناخت اس کے بھائی نے انگوٹھی اور مصنوعی دانت سے کی تھی، نعش کی باقیات ملنے پر پولیس نے ندیم نامی ملزم جو 4 سال قبل بھی تفتیش میں شامل رہا اس کو تحویل میں لے کر تفتیش شروع تھی۔

یاد رہے کہ ملزم کے دوہرے قتل کے انکشافات کی روشنی میں تفتیش کا دائرہ وسیع کردیا گیا ہے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More