شاہ رخ خان کے مداحوں کے لیے خوشخبری

بول نیوز  |  Dec 05, 2021

بالی ووڈ اداکار شاہ رخ خان کے مداح ہو جائے خوش کیونکہ اب دو سال بعد اداکار ایک بار پھر فلم ’پٹھان‘ کی شوٹنگ کا  آغاز کرنے کے لیے تیار ہو گئے ہیں۔

غیر ملکی خبر رساں ادارے کے مطابق شاہ رخ خان کی تقریباً دو سال سے کوئی فلم ریلیز نہیں ہوئی ہے۔

یہ ہی وجہ ہے کہ ادکار شاہ رخ خان کے مداح اُنہیں بڑی اسکرین پر دیکھنے کے لیے بے تاب ہیں۔

رپورٹس کے مطابق شاہ رخ خان کو فلم ’پٹھان‘کی شوٹنگ کے لیے گزشتہ ماہ اسپین جانا تھا لیکن ان کے بیٹے آریان خان کی ممبئی کروز شپ کیس میں گرفتاری کی وجہ سے انہیں فلم کی شوٹنگ کو روکنا پڑا۔

تاہم اداکار شاہ رخ خان نے فلم کی شوٹنگ شروع کر دی ہے۔

اس حوالے سے فلم ’پٹھان‘ کے پروڈکشن ہاؤس کا کہنا ہے کہ فلم کی شوٹنگ اگلےسال جنوری میں مکمل ہوجائے گی۔

یاد رہے کہ شاہ رخ خان کو ان کے بیٹے آریان خان کی منشیات کیس میں گرفتاری کی وجہ سے بہت مشکل وقت دیکھنا پڑا۔

 ان ہی تمام تر مسائل کی وجہ سے اداکار ایک ماہ سے زائد عرصے سے اپنے بیٹے کی رہائی کے لیے قانونی جنگ لڑ رہے تھےاور شدید ذہنی دباؤ کا بھی شکار تھے۔

تاہم رپورٹس کے مطابق آریان خان کی رہائی کے بعد اب سب کچھ ٹھیک ہو گیا ہے۔

 قابلِ غور بات یہ ہے کہ شاہ رخ خان اب کام پر واپسی کے لیے تیار ہیں۔

علاوہ ازیں شاہ رخ خان نے اپنی فٹنس پر کام کرنا بھی شروع کر دیا ہے کیونکہ وہ آنے والی دونوں فلموں میں مضبوط کرداروں میں نظر آئیں گے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More