سعودی عرب اور عمان کے درمیان دو طرفہ تجارتی معاہدہ طے

بول نیوز  |  Dec 07, 2021

خلیجی ملک سعودی عرب اور عمان کے درمیان دو طرفہ تجارتی معاہدہ طے پایا ہے۔

خبر ایجنسی کے مطابق سعودی عرب کے ولی عہد شہزادہ محمد بن سلمان نے سلطنت عمان کے دورے کے موقع پر سعودی عرب اور سلطنت عمان نے اہم تجارتی شعبوں میں دو طرفہ منصبوں کے حوالے سے 13 مفاہمتی یادداشتوں پر دستخط کیے۔

عمان کے اوکیو گروپ نے پٹرو کیمیکل تجدد پذیر توانائی، گرین ہائیڈروجن اور پٹرول ذخیرہ کرنے کے شعبوں میں سعودی عرب کی اکوا پاور اور ایئر پروڈکٹس آرامکو اور سابک کمپنیوں کے ساتھ معاہدہ طے پایا ہے۔

عمان کے عمران گروپ نے سیاحتی منصوبے پر سرمایہ کاری کے لیے سعودی کمپنی کے ساتھ مفاہمتی یادداشت پر دستخط کیے جبکہ عمان کی افزائش ماہی گیری کمپنی اور سعودی کمپنی کے درمیان بھی سمجھوتہ ہوا ہے۔

سعودی چیمبرز کی فیڈریشن کے سربراہ عجلان العجلان نے اس حوالے سے کہا کہ دونوں ممالک کے درمیان سال 2020ء کے دوران تجارتی تبادلے کا حجم 10.6 ارب سعودی ریال ہے۔

انہوں نے مزید کہا کہ سعودی برآمدات کا حجم 4.4 ارب ریال ہے، جب کہ عمانی درآمدات کا حجم 6.2 ارب ریال ہے، عمان سعودی برآمدات کےحوالے سے 28 ویں اور درآمدات کے حوالے سے 20 ویں نمبر پر ہے۔

انہوں نے اس بات کی بھی نشاندہی کی کہ 2020 میں سعودی برآمدات کی مالیت میں 2019 کے مقابلے میں 1 فیصد اضافہ ہوا جبکہ سلطنت عمان کی برآمدات میں 12.8 کی کمی واقع ہوئی جس کی وجہ سے اس دوران دونوں ممالک کے درمیان تجارتی تبادلے کے حجم میں کمی واقع ہوئی۔

خیال رہے کہ گذشتہ روز سعودی عرب کے ولی عہد شہزادہ محمد بن سلمان سرکاری دورے پر عمان پہنچے ہیں۔ وہ اپنے خلیجی دورے کے دوران عمان کے بعد متحدہ عرب امارات، بحرین اور قطر کا بھی دورہ کریں گے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More