اگلی وباء کورونا سے بھی بدتر اور مہلک ہوسکتی ہے، ڈاکٹر سارہ گلبرٹ

بول نیوز  |  Dec 07, 2021

برطانیہ کی آکسفورڈ یونیورسٹی میں تحقیق کرنے والی پروفیسر ڈاکٹر سارہ گلبرٹ نے کہا ہے کہ اگلی وباء کورونا سے زیادہ مہلک ہوسکتی ہے، اس لئے کورونا سے سبق حاصل کرنا چاہیے۔

رچرڈ ڈمبلبی لیکچر میں ڈاکٹر سارہ گلبرٹ کا کہنا تھا کہ یہ کوئی پہلا یا آخری موقع نہیں جس میں کسی وائرس کے سبب ہماری زندگیاں یا معاشی صورتحال متاثر ہوئی ہو، سچ تو یہ ہے کہ اگلی وباء اس سے بھی بدتر ہو سکتی ہے، وہ اس سے بھی زیادہ مہلک اور تباہی کا سبب بن سکتی ہے۔

ڈاکٹر سارہ گلبرٹ نے کہا کہ ہم ایسی صورتحال کی اجازت نہیں دے سکتے ہیں کہ ہم کورونا کے مشکل حالات میں سے نکلیں تو ہمیں اندازہ ہوا کہ ہمارے پاس کسی آئندہ وباء سے احتیا ط کی تدابیر اپنانے کے لئے معاشی وسائل نہیں ہیں۔

پروفیسر ڈاکٹر سارہ گلبرٹ کا کہنا تھا کہ ہم نے اس وباء کے مقابلے میں جتنی معلومات اور تجربات حاصل کئے ہیں انہیں ضائع ہونے سے بچایا جائے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More