سڈنی ٹینس کلاسک ، اینڈی مرے نے فائنل کا ٹکٹ کٹا لیا

بول نیوز  |  Jan 14, 2022

برطانیہ سے تعلق رکھنے والے مشہور ٹینس اسٹار اینڈی مرے نے 2019 کے بعد پہلی مرتبہ اے ٹی پی ٹور فائنل میں جگہ بنائی ہے۔

سیمی فائنل میں اینڈی مرے نے ریلی اوپیلکا کو شکست دی۔

اینڈی مرے نے سیمی فائنل کے پہلے سیٹ میں شکست کھانے کے بعد دوبارہ کم بیک کیا اور اپنا روایتی گیم کھیلتے ہوئے کامیابی حاصل کی۔

اینڈی مرے نے ٹینس کی عالمی رینکنگ میں 25 نمبر امریکی کھلاڑی ریلی اوپیلکا کو 4-6 ، 4-6 (8-6) 7-6 سے شکست دے کر فائنل میں جگہ بنائی۔

سڈنی ٹینس کلاسک کے دوسرے سیمی فائنل میں روس کے ٹاپ سیڈ کھلاڑی ایسلن کراتسیو نے برطانوی کھلاڑی ڈین ایونز کو شکست دی۔

یہ 2019 کے یورپئین اوپن کے فائنل میں اسٹین واورینکا کو شکست دینے کے بعد پہلا موقع ہے کہ اینڈی مری کسی اے ٹی پی ٹینس ٹور کے فائنل میں پہنچے ہیں۔

اینڈی مرے اس سے قبل 46 مرتبہ اے ٹی پی ٹرافی اپنے نام کر چکے ہیں ، انہوں نے جنوری 2019 میں کولہے کے آپریشن کے بعد کوئی ٹائٹل نہیں جیتا ہے۔

سیمی فائنل میں کامیابی کے بعد اینڈی مرے نے انٹرویو میں کہا کہ وہ اے ٹی پی ٹینس ٹور کی ٹرافی اگر جیت گئے تو نئے سال کی ایک حیرت انگیز ابتداء ہو گی۔

واضح رہے کہ اینڈی مرے آسٹریلیا میں سال کے پہلے گرینڈ سلم آسٹریلین اوپن میں شرکت کے لئے پریکٹس کر رہے ہیں، جو پیر کو شروع ہونے جا رہا ہے۔

اینڈی مرے کا آسٹریلین اوپن کے فرسٹ راؤنڈ میں عالمی نمبر اکیس جارجیا کے نکولس باسلشویلی سے ٹاکرا ہو گا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More