جمناسٹک کے مایہ ناز کھلاڑی اُوچی مُورا نے ریٹائرمنٹ لے لی

بول نیوز  |  Jan 14, 2022

جاپان سے تعلق رکھنے والے جمناسٹک کے مایہ ناز کھلاڑی اولمپک چمئین اُوچی مُورا نے جمناسٹک کے کھیل سے ریٹائرمنٹ کا اعلان کر دیا۔

جمناسٹک کے مایہ ناز کھلاڑی اُوچی مُورا کوہے نے کہا ہے کہ نصف عمر سے زائد عرصہ جاپان کی نمائندگی کرنا میرے لیے باعث فخر ہے۔ اولمپک چیمپئن جمناسٹ نےچند روز قبل کھیل سے سبکدوش ہونے کا اعلان کیا تھا۔

اُوچی مُورا نے جمعے کے روز ایک اخباری کانفرنس میں کہا کہ مقابلوں سے سبکدوش ہونے پر ان کے کوئی خاص جذبات نہیں ہیں اور نہ ہی انہیں اس کا حقیقی ادراک ہوا ہے۔

اُوچی مُورا نے کہا انہوں نے 3 سال کی عمر میں جمناسٹک شروع کی اور ان کا کیریئر 30 سالوں پر محیط رہا، جس میں 16 سال انہوں نے قومی ٹیم کی نمائندگی کی۔

انہوں نے کہا کہ مختلف معاملات پر اب میں اعتماد سے اپنا نقطہ نظر پیش کر سکوں گا۔ کھیل سے سبکدوش ہونے کے فیصلے کے اوقات کے حوالے سے انہوں نے کہا کہ یہ ایک بہت مشکل فیصلہ تھا۔

2020 کے ٹوکیو اولمپکس کے بعد اور اکتوبر میں عالمی چیمپئن شپس سے قبل مشق کے دوران انہوں نے محسوس کیا کہ وہ ایک بند گلی میں آ چکے ہیں۔

اُوچی مُورا نے کہا کہ چمپئن شپس کے دوران وہ سوچ رہے تھے کہ یہ ان کا آخری ایونٹ ہو سکتا ہے۔

مقابلوں میں حصہ لیتے ہوئے وہ محض فائنل کے لیے کوالیفائی کرنے اور چھلانگ میں گرنے کے بجائے اپنے پیروں پر کھڑا ہونے کا سوچ رہے تھے۔ اُوچی مُورا ان مقابلوں میں چھٹے نمبر پر آئے تھے۔

ناگاساکی پریفیکچر سے تعلق رکھنے والے 33 سالہ اُوچی مُورا نے لندن اولمپکس 2012 اور ریو ڈی جنیرو اولمپکس 2016 میں انفرادی آل راؤنڈ کیٹگری میں سونے کا تمغہ حاصل کیا تھا۔

انہوں نے مسلسل چھ بار عالمی چمپئن شپس میں بھی کامیابی حاصل کی۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More