ازہری انسٹیٹیوٹ کے قیام کا مقصد قرآن کو صحیح تلفظ کے ساتھ پڑھنا اور سمجھنا ہے، سعید الحسن شاہ

بول نیوز  |  Jan 15, 2022

وزیر مذہبی امور و اوقاف پیر سید سعید الحسن شاہ نے کہا ہے کہ ازہری انسٹیٹیوٹ کے قیام کا مقصد قرآن کو صحیح تلفظ کے ساتھ پڑھنا اور سمجھنا ہے۔

مصری سفیر ڈاکٹر طارق دحروج، وزیر اوقاف ومذہبی امور سید سعید الحسن شاہ اور وفاقی وزیر مذہبی امور پیر نورالحق قادری  کے مابین اسلام آباد میں اہم ملاقات ہوئی۔

وزیر مذہبی امور و اوقاف پیر سید سعید الحسن شاہ کا اس موقعے پر کہنا تھا کہ لاہور میں ازہری انسٹیٹیوٹ میں حفظ قرآن پاک، سیرت النبی صلی اللہ علیہ وسلم، تصوف اور سلوک، عربی زبان لازمی مضامین کے طور پر پڑھائے جائیں گے۔

سعید الحسن شاہ نے کہا کہ لاہور میں ازہری انسٹیٹیوٹ پہلے مرحلے میں پرائمری تا مڈل اور مرحلہ وار بی ایس تک درجہ دیا جائے گا۔

ان کا کہنا تھا کہ اللہ تعالیٰ اور رسول پاکؐ کے کلام کو سمجھنے کے لیے عربی زبان پر عبور حاصل کرنا ضروری ہے، ازہری انسٹیٹیوٹ کے قیام کا مقصد قرآن کو صحیح تلفظ کے ساتھ پڑھنا اور سمجھنا ہے۔

انہوں نے کہا کہ ازہری انسٹیٹیوٹ سے فارغ التحصیل طلبہ ازہر یونیورسٹی مصر سمیت کسی بھی ملکی اور غیر ملکی تعلیمی اداروں میں متعلقہ شعبہ جات میں داخلے کے اہل ہوں گے، دیگر ضروری آفیشل کارروائی مکمل ہوتے ہی اس پراجیکٹ کا افتتاح کر دیا جائے گا۔

وفاقی وزیر مذہبی امور پیر نورالحق قادری کا کہنا تھا کہ لاہور پاکستان کا دوسرا بڑا شہر ہے اور یہ لاہور والوں کا حق بھی ہے۔

انہوں نے کہا کہ اس عظیم علمی پروجیکٹ کے قیام پر وزیر اوقاف پنجاب، مصری سفیر، وفاقی سیکر ٹری مذہبی امور، سیکرٹری اوقاف، ڈی جی اوقاف سمیت تمام افسران کی کاوشوں کو خراج تحسین۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More