سعودی ڈاکار ریلی 2022 اختتام پذیر

بول نیوز  |  Jan 15, 2022

جدہ: سعودی ڈاکار ریلی 2022 اختتام پذیر ہوگئی ہے جس کی اختتام تقریب میں شہزادہ خالد الفیصل نے خصوصی شرکت کی۔

مکہ مکرمہ کے گورنر اور سعودی فرمانروا کے مشیر شہزادہ خالد الفیصل نے سعودی ڈاکار ریلی 2022 کی اختتامی تقریب میں شرکت کی۔

یہ ریس 2 سے 14 جنوری 2022 تک مملکت میں منعقد ہوئی جس کے دوران میں ریس میں شریک ڈرائیو مملکت کے متعدد اضلاع اور شہروں سے گزرے۔

یہ بھی پڑھیں: سعوی عرب کرکٹ فیڈریشن عالمی کرکٹ میں آنے کو بے قرار

جدہ کے کورنیش میں منعقد اختتامی تقریب میں چھ شعبوں (گاڑیاں، موٹرسائیکل، فور وہیل موٹر سائیکل، ٹرک، لائٹ ویٹ ڈیزرٹ وہیکل اور ڈاکار کلاسک) میں ریس جیتنے والوں میں انعامات تقسیم کیے گئے۔

اس موقع پر سعودی آٹوموبائل اینڈ موٹرسائیکل فیڈریشن کے سربراہ شہزادہ سلطان العبدالله الفيصل اور نائب وزیر کھیل بدر القاضی بھی موجود تھے۔

گاڑیوں کے شعبے میں قطر کے ناصر العطیہ پہلے ، فرانس کے سیبستیان لویپ دوسرے اور سعودی عرب کے یزید الراجحی تیسرے نمبر پر رہے۔ الراجحی 44 سال قبل ڈاکار ریلی مقابلے کے آغاز کے بعد وکٹری اسٹینڈ پر پہنچنے والے پہلے سعودی بن گئے ہیں۔

موٹر سائیکل کے شعبے میں پہلی پوزیشن برطانیہ کے سام سینڈرلینڈ کی رہی۔ فور وہیل موٹر سائیکل میں فرانس کے الیگزینڈر جیروڈ اور ٹرک کے شعبے میں روس کے دمتر اسٹونیکوف نے اول پوزیشن کا تاج اپنے سر سجایا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More