’حکومت پیٹرول کی قیمت کو ثواب سمجھ کر ہر 15 دن بعد بڑھا دیتی ہے‘

بول نیوز  |  Jan 16, 2022

ڈپٹی سیکرٹری جماعت اسلامی لاہور احمد سلمان بلوچ نے کہا ہے کہ حکومت پیٹرول کی قیمت کو ثواب سمجھ کر ہر 15 دن بعد بڑھا دیتی ہے۔

رہنما جماعت اسلامی پی پی 160 احمد سلمان بلوچ نے حلقہ میں پی ٹی آئی کی ایک وکٹ گرا دی ہے۔

احمد سلمان بلوچ نے کہا کہ 2 دفعہ پی ٹی آئی کو اس حلقہ نے اعتماد کیا مگر عوام کو صرف دھکے ملے۔

انہوں نے کہا کہ پیٹرول کی قیمت ثواب سمجھ کر ہر پندرہ دن بعد بڑھاتے ہیں، اچھرہ کی عوام سوئی گیس، صاف پانی، سوریج کے مسائل کا شکار ہے۔

ڈپٹی سیکرٹری جماعت اسلامی نے کہا کہ شفقت محمود، محمود الرشید نے عوام سے وعدے کئے جو وفا نہ ہوئے، پی ٹی آئی کے تبدیلی کے وعدے وفا نہ ہوئے۔

احمد سلمان بلوچ نے مزید کہا کہ اسلامی پاکستان خوشحال پاکستان کیلئے سب جماعت اسلامی میں شریک ہورہے ہیں۔

واضح رہے کہ حکومت نے پیٹرول کی قیمت میں مزید 3 روپے اضافے کا اعلان کردیا۔

حکومت نے ایک بار پھر عوام پر پیٹرول بم گرادیا، پیٹرولیم مصنوعات کی قیمتوں میں اضافہ کردیا۔

وزارت خزانہ کی جانب سے جاری کردہ نوٹی فکیشن کے مطابق پیٹرول کی قیمت میں 3 روپے اور 1 پیسے اضافہ کیا گیا ہے جس کے بعد نئی قیمت 147 روپے اور83 پیسے فی لیٹر ہوگئی۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More