برطانیہ کا کووڈ19 سیلف آئسولیشن قانون کو ختم کرنے کا منصوبہ

سماء نیوز  |  Jan 17, 2022

فوٹو: اے ایف پی

برطانیہ ایک ایسا منصوبہ تیار کر رہا ہے جس کے تحت شہری کرونا وائرس سے متاثر ہونے کے باوجود قانونی طور پر سیلف آئسولیشن کرنے کے پابند نہیں ہوں گے۔

دی ٹیلی گراف کی رپورٹ کے مطابق برطانوی وزیر اعظم بورس جانسن ہنگامی طور پر کرونا وائرس کے قوانین کو مستقل طور پر منسوخ کرنا چاہتے ہیں کیونکہ برطانیہ میں کیسز میں کمی آتی جا رہی ہے۔

رپورٹ میں کہا گیا ہے کہ سرکاری رہنمائی برقرار رہے گی تاہم قوانین نظر انداز کرنے کی صورت کوئی جرمانہ یا قانونی سزا نہیں ہوگی۔

رپورٹ کے مطابق آنے والے ہفتوں میں ان منصوبوں پر کام کیا جائے گا، جس کا اعلان موسم بہار کے شروع میں متوقع ہے۔

گزشتہ ہفتے، سیکریٹری ہیلتھ ساجد جاوید نے کہا تھا کہ اگر کسی شخص کا کرونا ٹیسٹ دوسری مرتبہ منفی آتا ہے تو انگلینڈ میں کووڈ19 سیلف آئسولیشن کے دن سات سے کم کرکے پانچ کر دیے جائیں گے۔

ٹیلی گراف کی ایک سابقہ ​​رپورٹ کے مطابق، بورس جانسن پلان بی کووڈ19 پابندیوں کو ختم کرنے کے لیے بھی تیار ہیں، جو پچھلے مہینے اومی کرون ویرینٹ کے پھیلاؤ کو کم کرنے کے لیے متعارف کرایا گیا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More