کورونا کو جان بوجھ کر دعوت دینے والی گلوکارہ اسی وبا سے ہلاک

بول نیوز  |  Jan 20, 2022

چیک ری پبلک کی معروف گلوکارہ کو کورونا وائرس کو سنجیدہ نہ لینا مہنگا پڑگیا۔

غیر ملکی خبررساں ادارے کے مطابق چیک ری پبلک لوک گلوکارہ ہانا ہورکا جو ’اسونینس بینڈ‘ سے وابستہ تھیں ، 57 سال کی عمر میں کورونا کے باعث ہلاک ہوگئیں۔

گلوکارہ کے بیٹے جان ریک نے مقامی میڈیا سے بات کرتے ہوئے کہا کہ میری والدہ نے کورونا ویکسین لینے سے انکار کردیا تھا اور ملکی ہیلتھ پاس حاصل کرنے کے لیے جان بوجھ کر انفیکشن کو دعوت دی۔

خیال رہے چیک ری پبلک میں ہوٹلز، بار اور دیگر عوامی مقامات میں جانے کے لیے مکمل ویکسینیٹڈ ہونا لازمی ہے۔

ہلاک ہونے والی گلوکارہ کے بیٹے کے مطابق میرے والد اور میں نے کورونا کی دونوں ویکسین لگارکھی ہیں اور گزشتہ سال دسمبر میں ہمارا کورونا ٹیسٹ بھی مثبت آیا تھا جب کہ میری والدہ ہمارے ساتھ رہنے کے باوجود کورونا ویکسین لگوانے سے انکار کرتی رہیں اور انہوں نے خود اس وبا کو دعوت دی۔

جان ریک نے کہا کہ میری ماں کے ہلاکت سے دو روز قبل انہوں نے فیس بک پر یہ پوسٹ کیا تھا کہ وہ بغیر کسی ویکسین کے اس انفیکشن سے مکمل صحتیاب ہوگئی ہیں اور بہت جلد تھیٹر ، ہوٹلز اور کلبز میں جانے کے لیے ہیلتھ پاس بنوائیں گی۔

گلوکارہ کے بیٹے نے چیک ری پبلک میں مقامی سطح پر کورونا ویکسین کے خلاف احتجاج کرنے والوں کو اپنی ماں کی موت کی ذمہ دار قرار دیتے ہوئے کہا کہ مجھے افسوس ہے کہ میری ماں نے اپنی فیملی کے بجائے غیروں کی باتوں پر یقین کیا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More