آسٹریلوی وزیر اعظم کاوی چیٹ اکاؤنٹ ہیک

بول نیوز  |  Jan 24, 2022

 نامعلوم ہیکرز کی جانب سے وزیر اعظم اسکاٹ موریسن کے وی چیٹ اکاؤنٹ کو ہیک کرنے کے بعد نام تبدیل کردیا گیا ہے۔

غیر ملکی خبر رساں ادارے کے مطابق حکومتی سینیٹر اور انٹیلی جنس اور سیکیورٹی کی پارلیمانی مشترکہ کمیٹی کے سربراہ جیمز پیٹرسن نے مقبول ترین چینی میسیجنگ ایپ کے اکاؤنٹ ہائی جیکنگ کو آسٹریلوی جمہوریت کے اندر غیر ملکی مداخلت قرار دے دیا ہے۔

 رپورٹ کے مطابق وزیر اعظم کے عملے کو ان کے وی چیٹ اکاؤنٹ تک رسائی حاصل کرنے میں کئی ماہ سے مشکلات کا سامنا تھا تاہم اب وہ مکمل طور پر وزیر اعظم کے کنٹرول سے نکل گیا ہے۔

سینیٹر جیمز پیٹرسن نے پارلیمنٹ سے اس ایپ کا بائیکاٹ کرنے کا مطالبہ کرتے ہوئے کہا کہ میرے خیال میں وی چیٹ پر چین کی کمیونسٹ حکومت کا بہت کنڑول ہے۔ اور میں اسے اپنے ملک میں غیر ملکی مداخلت تصور کرتا ہوں۔

وزیر اعظم اسکاٹ موریسن کے دفتر کی جانب سے تاحال اس واقعے پر کوئی تبصرہ یا بیان جاری نہیں کیا گیا ہے۔ جب کہ اسکاٹ موریسن کے اکاؤنٹ تک دوبارہ رسائی کی تمام کوششیں اب تک ناکام رہی ہیں۔

واضح رہے کہ دنیا بھر میں ایک ارب سے زائد یورز رکھنے والی وی چیٹ دنیا کی سب سے مقبول میسیجنگ ایپلی کیشن ہے اور اسے اکثر و بیشتر چینی حکومت کی سخت سینسر پالیسیوں کا سامنا بھی کرنا پڑتا ہے۔

اس ایپ کی ڈیولپر کمپنی ٹینسینٹ ہولڈنگ نے اس معاملے پر ابھی تک کوئی بیان جاری نہیں کیا ہے ۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More