برطانیہ کا ویکسین شدہ مسافروں کے لیے بڑا اعلان

بول نیوز  |  Jan 24, 2022

برطانوی وزیر اعظم بورس جانسن کا کہنا ہے کہ ان کی حکومت برطانیہ آنے والے ویکسین شدہ افراد کے لیے کورونا وائرس کے ٹیسٹ کی شرط ختم کر دے گی۔

بورس جانسن کی جانب سے اس اعلان کو سفری انڈسٹری نے نارمل حالات کی جانب ایک بڑا قدم قرار دیا ہے۔

جانسن کا کہنا تھا کہ یہ دِکھانے کے لیے کہ یہ ملک کاروبار کے لیے، سیاحوں کے لیے کھلا ہوا ہے، آپ لوگ یہ تبدیلی دیکھیں گے کہ جن کو ویکسین کی دونوں خوراکیں لگی ہوں گی ان کا برطانیہ آنے پر ٹیسٹ نہیں لیا جائے گا۔

ٹرانسپورٹ سیکریٹری اس اصول میں تبدیلی کے متعلق مزید تفصیلات دیں گے۔

ایئر لائن انڈسٹری باڈی ایئر لائنز یو کے کے چیف ایگزیکٹتِو ٹِم ایلڈرسلیڈ کا کہنا تھا کہ یہ ایک تاریخی دن ہے۔

انہوں نے کہا کہ تقریباً دو سال قبل کووڈ کی ابتدائی پابندیوں کے اطلاق کے بعد سے، آج کا اعلان مکمل ویکسین شدہ افراد کے لیے بین الاقوامی سفر کو نارمل حالات کی جانب لے کر جائے گا، کم از کم ملکی معیشت کو راہ پر لائے گا۔

فی الحال جنہوں نے کم از کم دو ویکسین خوراکیں لگوائی ہوئی ہیں انہیں برطانیہ میں داخل ہونے سے دو دن کے اندر ریپڈ کورونا وائرس ٹیسٹ کروانا لازمی ہے۔

وہ لوگ جو غیر ویکسین شدہ ہیں انہیں ٹیسٹنگ اور کوارنٹائن کے سخت قوانین کا سامنا ہوتا ہے۔

برطانوی حکومت نے اس ماہ کے شروع میں سفری پابندیوں میں پہلے ہی نرمی کر دی تھی۔ حکومت نے برطانیہ سفر کرنے سے قبل ٹیسٹ کرانے کو ختم کیا تھا اور برطانیہ پہنچنے کے بعد لیب سے مصدقہ پی سی آر ٹیسٹ کو، سستے ریپڈ لیٹرل فلو ٹیسٹ سے بدل دیا تھا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More