یوکرین تنازع، شی جن پنگ پیوٹن کے درمیان اہم ملاقات متوقع

بول نیوز  |  Jan 28, 2022

روسی صدر پیوٹن اور چینی صدرشی جن پنگ کے درمیان یوکرین تنازع پر اہم ملاقات آئندہ ہفتے متوقع ہے۔

تفصیلات کے مطابق یوکرین پر مغرب کے ساتھ  تصادم کے پس منظر میں پیوٹن 4 فروری کو بیجنگ سرمائی اولمپکس کی افتتاحی تقریب میں شرکت کے لیے چین جائیں گے جہاں دونوں قائدین کی ملاقات متوقع ہے۔

روس اور چین کے تعلقات کو واشنگٹن اور دوسری مغربہی ممالک میں  قریب سے دیکھا جائے گا۔

کریملن کے ترجمان دمتری پیسکوف نے صحافیوں سے بات کرتے ہوئے کہا کہ میرے خیال میں یقیناً اس ملاقات بہت سا وقت بین الاقوامی امور پر تبادلہ خیال پر صرف ہو گا، جس میں یورپ میں اسٹریٹجک استحکام، روس کے لیے سلامتی کی ضمانتیں، یورپ میں سلامتی اور روس کی امریکہ اور نیٹو کے ساتھ بات چیت، اور علاقائی مسائل شامل ہیں۔

ان کا مزید کہنا تھا کہ پوتن ان غیر ملکی مغربی معززین کی طرف سے چھوڑے گئے خلا کو پُر کرنے کے لیے تیار ہیں جو چین کے انسانی حقوق کے ریکارڈ کی وجہ سے ریاستی عہدیداروں کو گیمز میں نہیں آئیں گے۔

دوسری جانب اس تناظر میں پوتن کا کہنا تھا کہ وہ سفارتی بائیکاٹ کی مخالفت کرتے ہیں۔

یاد رہے کہ روس نے 2014 سے چین کے ساتھ قریبی تعلقات استوار کیے ہیں۔ جو مغربی ممالک کے لئے دن بدن فکر کا باعث بنتے جارہے ہیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More