مودی سرکار نے اقلیتوں پر مظالم کی نئی داستان رقم کردی

بول نیوز  |  Jan 28, 2022

بھارت: بی جے پی کے دور اقتدار میں مذہبی اقلیتوں کو بدترین ظلم و تشدد کا سامنا ہے۔

خبر رساں ادارے کے مطابق مودی حکومت کے اختیار کردہ قوانین اور پالیسیوں کے تحت ملک میں مسلمانوں اور دیگر اقلیتوں کے ساتھ منظم طورپر امتیازی سلوک روا رکھا جارہا ہے۔

مسلمانوں اور دیگر مذہبی اقلیتوں کے خلاف بلا اشتعال حملے بھارت میں روز کا معمول بن چکے ہیں اس کی وجہ مودی حکومت بھارت میں مسلمانوں اور دیگر مذہبی اقلیتوں کو پسماندہ اور حق رائے دہی سے محروم کرناچاہتی ہے۔

بی جے پی حکومت کی طرف سے اختیار کی گئی فرقہ وارانہ پالیسیوں سے ہندو انتہا پسندوں کے لئے حوصلہ افزا ثابت ہوئی ہے۔

 ہندوستان کے طول و ارض میں مسلمانوں کو تمام شعبہ جات میں امتیازی سلوک کا سامنا ہے۔ مذہبی اقلیتوں کے خلاف تشدد اور امتیازی سلوک نے نام نہاد بھارتی سیکولرازم کو بے نقاب کر دیا ہے ۔ مودی کے فسطائی نظرئیے سے جنوبی ایشیا میں امن و استحکام کوسنگین خطرہ لاحق ہے۔

نئی دہلی میں قائم ایسوسی ایشن فار پروٹیکشن آف سول رائٹس نے ایک پریس کانفرنس کے دوران کہا کہ ہندوستان میں اقلیتوں کے خلاف شدید خلا ف ورزیاں دیکھی جا رہی ہیں جو ملک میں منظم نفرت کی وجہ سے ہو رہی ہیں۔

راجستھان کے شہر جے پور میں ایک پریس کانفرنس سے خطاب کرتے ہوئے مسلم، عیسائی اور بدھ برادریوں کے نمائندوں نے کہا کہ بھارت میں مذہبی اور دیگر اقلیتوں پرظلم و تشدد اوران کے ساتھ امتیازی سلوک روا رکھا ہوا ہے اور انہیں دانستہ طورپر پسماندہ رکھا جارہا ہے۔۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More