پی ایس ایل7: پشاور زلمی نے کوئٹہ گلیڈی ایٹرز کو 5 وکٹوں سے شکست دیدی

ہم نیوز  |  Jan 28, 2022

کراچی: پاکستان سپر لیگ (پی ایس ایل) کے 7 ویں ایڈیشن کے دوسرے میچ میں پشاور زلمی نے کوئٹہ گلیڈی ایٹرز کو پانچ وکٹوں سے شکست دے دی۔ کوئٹہ گلیڈی ایٹرز نے پشاور زلمی کو جیت کے لیے 191 رنز کا ہدف دیا تھا۔

ہم نیوزکے مطابق شہر قائد کے نیشنل اسٹیڈیم میں کھیلے جانے والے میچ میں پشاور زلمی نے گلیڈی ایٹرز کی جانب سے دیا جانے والا 191 رنز کا ہدف پانچ وکٹوں کے نقصان پر آخری اوور میں حاصل کیا۔

It’s raining sixes in the NSK today. This time it’s 🙌🏼 l #LevelHai l #QGvPZ pic.twitter.com/FQ94FIcjkE

— PakistanSuperLeague (@thePSLt20) January 28, 2022

کپتان شعیب ملک 32 گیندوں پر 48 رنز بنا کر ناقابل شکست رہے جب کہ حسین طلعت نے 52 رنز کی جارحانہ اننگز کھیلی۔ اوپنر کیڈمور اور یاسر خان نے بالترتیب 22 اور 30 رنز کی اننگز کھیلیں۔

Malik steals the show with this shot! l #LevelHai l #QGvPZ pic.twitter.com/ApdwLLhYMU

— PakistanSuperLeague (@thePSLt20) January 28, 2022

ہم نیوز کے مطابق حیدر علی 19 رنز بنا کر محمد نواز کا شکار ہوئے جب کہ ردرفورڈ 10 رنز ہی بنا سکے۔

اعداد و شمار کے تحت محمد نواز کی تین وکٹیں بھی گلیڈی ایٹرز کو کامیابی نہیں دلوا سکیں۔ باؤلنگ میں جیمز فالکنر اور نسیم شاہ نے ایک/ ایک وکٹ حاصل کی۔

پی ایس ایل 7: وزیراعظم عمران خان کا کھلاڑیوں کے نام پیغام

واضح رہے کہ اس سے قبل کوئٹہ گلیڈی ایٹرز کی جانب سے اوپنرز احسن علی اور ول اسمیڈ نے 155 رنز کی شاندار اننگز کھیلی تھی۔

کوئٹہ گلیڈی ایٹرز کا پہلا نقصان احسن علی کی صورت میں اس وقت ہوا تھا جب وہ 46 گیندوں پر 73 رنز بنا کر آؤٹ ہوئے۔

احسن علی کے آؤٹ ہونے کے بعد بھی وِ ل اسمیڈ نے شاندار بلے بازی کا مظاہرہ کیا لیکن میچ کی آخری گیند پر آؤٹ ہو گئے اور اپنی سنچری مکمل نہ کرسکے۔

پی ایس ایل کا نیا گانا ’آگے دیکھ‘ ریلیز کر دیا گیا

ول نے 62 گیندوں پر 97 رنز کی شاندار اننگز کھیلی۔ ان کے علاوہ بین ڈکٹ صفر اور افتخار احمد 8 رنز بنا کر آؤٹ ہوئے۔

پشاور زلمی کی جانب سے پی ایس ایل 7 کے دوسرے میچ میں ثمین گل اور عثمان قادر نے دو /دو وکٹیں حاصل کیں۔

ہم نیوز کے مطابق دوسرے میچ میں پشاور زلمی نے کوئٹہ گلیڈی ایٹرز کے خلاف ٹاس جیت کر پہلے بولنگ کا فیصلہ کیا تھا۔

پی ایس ایل 7: ملتان سلطانز نے کراچی کنگز کو ہرا دیا

شہر قائد کے نیشنل اسٹیڈیم میں پی ایس ایل 7 کے کھیلے جانے والے دوسرے میچ میں پشاور زلمی کے کپتان شعیب ملک نے ٹاس جیت کر کوئٹہ گلیڈی ایٹرز کے کپتان سرفراز احمد کو پہلے بیٹنگ کی دعوت دی تھی۔

شاہد آفریدی کو کورونا ہوگیا، آخری پی ایس ایل میں شرکت مشکوک

کوئٹہ گلیڈی ایٹر کے کپتان سرفراز احمد نے اس موقع پر کہا تھا کہ میچ میں اچھی کارکردگی دکھائیں گے۔ انہوں نے کہا کہ پہلے بیٹنگ میں بڑا اسکور دینے کی کوشش کریں گے۔

سرفراز احمد نے کہا کہ افتخار احمد کی موجودگی سے ٹیم مضبوط ہوئی ہے۔ انہوں نے امید ظاہر کی تھی کہ شاہد آفریدی جلد ٹیم کو جوائن کرلیں گے۔

Peshawar won the toss and chose to bowl. Here’s a look at the squads.

Head to Head stats:

PZ 9 – 8 QG (1 NR)#LevelHai l l #QGvPZ pic.twitter.com/ntIMhytW35

— PakistanSuperLeague (@thePSLt20) January 28, 2022

ہم نیوز کے مطابق پشاور زلمی کے کپتان شعیب ملک نے کہا تھا کہ کورونا مثبت آنے کی وجہ سے وہاب ریاض اور حیدر علی ٹیم کو دستیاب نہیں ہیں لیکن نوجوان کھلاڑیوں کو ٹیم میں شامل کیا گیا ہے۔

پی ایس ایل 7 کیلئے کورونا ایس او پیز تیار

کپتان شعیب ملک نے کہا تھا کہ کوئٹہ گلیڈی ایٹرز کو کم رنز تک محدود رکھنے کی کوشش کریں گے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More