ایلون مسک ٹوئٹر کے سب سے بڑے شیئرہولڈر بن گئے

سماء نیوز  |  Apr 04, 2022

دنیا کے امیر ترین شخص اور ٹیسلا کے سی ای او ایلون مسک ٹوئٹر کے 7 کروڑ 35 لاکھ (9.2 فیصد) حصص کے ساتھ سب سے بڑے شیئر ہولڈر بن گئے۔

غیر ملکی میڈیا کے مطابق منظر عام پر آنیوالی دستاویزات کے مطابق ایلون مسک نے ٹوئٹر کے تقریباً 73.5 ملین (7 کروڑ 35 لاکھ) شیئرز خرید لیے ہیں۔

ایلون مسک ٹوئٹر پر آزادانہ روابط و گفتگو کی صلاحیت پر سوال اٹھاچکے ہیں، ان کا کہنا تھا کہ یہ پلیٹ فارم جمہوریت کو نقصان پہنچا رہا ہے۔ ایلون مسک کے ٹوئٹر پر 80 ملین (8 کروڑ) فالوورز ہیں۔

پیر کو ریگولیٹری فائلنگ میں کہا گیا ہے کہ مسک نے 14 مارچ کو حصص خریدے تھے۔ وہ ٹوئٹر کے مقابلے میں ایک حریف سوشل میڈیا نیٹ ورک کا امکان بھی ظاہر کرچکے ہیں۔

ان کے اس اقدام پر انڈسٹری کے تجزیہ کار تشویش کا اظہار کررہے ہیں کہ ایلون مسک ایک جانب بیٹھنے کی بجائے متحرک رہیں گے۔

ایلون مسک نے ٹوئٹر پر ایک پول میں صارفین سے پوچھا تھا کہ ’کیا ٹوئٹر آزادیٔ اظہار کے اصولوں کی پاسداری کررہا ہے؟‘۔ جس کے جواب میں 70 فیصد صارفین نے نفی میں جواب دیا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More