اداکارہ یمنیٰ زیدی جلد عربی سُپرہیرو ویب سیریز میں نظرآئینگی

سماء نیوز  |  May 14, 2022

اداکارہ یمنیٰ زیدی جلد ہی پاکستانی نژاد امریکی فلم ساز اجمل ظہیر احمد کی انگریزی زبان میں بننے والی سپر ہیرو کامیڈی ویب سیزیر ’کریسٹر اینڈ دی نائٹ اسٹالین‘ میں کردار نبھائیں گی۔

سوشل میڈیا پر ’کریسٹر اینڈ دی نائٹ اسٹالین‘ کا پہلا ٹریلرجاری کیا جاچکا ہے جب کہ اداکارہ یمنیٰ زیدی نے بھی سیریز کا ٹریلر شیئر کیا جس پر سیریز کے ہدایت کار سمیت شوبز شخصیات نے بھی مسرت کا اظہار کیا۔

ویب سیریز کی ریلیز سے متعلق اسٹریمنگ پورٹل نے حتمی فیصلہ نہیں کیا ہے لیکن خیال ہے کہ نیٹ فلیکس، ایمازون اور دیگر پلیٹ فارمز پر ویب سیریز ریلیز کی جائے گی۔

سیریز میں سپر ہیرو کا مرکزی کردار عرب اداکارعبداللہ جاسم نبھائیں گے جب کہ ٹریلر دیکھ کر لگتا ہے کہ یمنیٰ زیدی کا دیسی کردارہے۔

دوسری جانب اداکارہ یمنیٰ زیدی اور یوٹیوبر اور اداکار ارسلان نصیر ہم ٹی وی کے آنے والے ڈرامہ سیریل “بختاور” میں ایک ساتھ نظر آئینگے۔

A post shared by Galaxy Lollywood (@galaxylollywood)

ڈرامے میں اداکارہ یمنیٰ زیدی ’بختاور‘ کا کردار ادا کریں گی جو ایک ٹام بوائے ہیں، اس سے قبل یہ افواہیں گردش کر رہی تھیں کہ اس پراجیکٹ پر اداکارہ سجل علی کام کر رہی ہیں لیکن وہ شوٹنگ کے کچھ دنوں بعد ہی چلی گئیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More