رمیز راجا کے 6 ماہ کے اخراجات کی تفصیل سامنے آ گئی

ہم نیوز  |  May 14, 2022

چیئرمین پاکستان کرکٹ بورڈ رمیز راجا کے 6 ماہ کے اخراجات کی تفصیل سامنے آ گئی۔

ویب سائٹ پر جاری دستاویزات کے مطابق رمیز راجا نے 6 ماہ میں 39 لاکھ 17 ہزار روپے کی رقم خرچ کی ہے۔

انہوں نے صرف وہیکل الاؤنس کی مد میں 5 لاکھ 77 ہزار روپے سے زائد رقم خرچ کی۔ موبائل، سیکیورٹی اور میڈیکل کی مد میں 4 لاکھ 15 ہزار روپے لیے گئے۔

دستاویزات کے مطابق اندرون ملک سفر پر 26 لاکھ 78 ہزار 985 روپے اور غیر ملکی دوروں پر 2 لاکھ 39 ہزار روپے سے زائد خرچ ہوئے۔

رمیز راجہ کے ادویات کے مد میں 62 ہزار 332، یوٹیلیٹی اینڈ موبائل الاوئنس کی مد میں ایک لاکھ ایک ہزار 232 روپے جب کہ سیکیورٹی گارڈ اور ملازمین کے اخراجات 2 لاکھ 52 ہزار روپے رہے۔

انہوں نے بزنس انٹرٹینمنٹ کی مد میں سب سے کم 6 ہزار 497 روپے استعمال کیے۔

اس کے علاوہ پی سی بی نے بی او جی ممبران کے اخراجات کی تفصیلات بھی پبلک کردیں۔ بی او جی نے مالی سال 2021-22 میں 11 لاکھ 13 ہزار 483 روپے کے اخراجات کیے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More