پاکستانی کوہ پیما نے ماؤنٹ ایورسٹ سر کرلی

سماء نیوز  |  May 16, 2022

پاکستانی کوہ پیما عبدالجوشی نے نیپال میں دنیا کی بلند ترین پہاڑی چوٹی ماؤنٹ ایورسٹ سر کرلی۔

الپائن کلب آف پاکستان کے مطابق عبدالجوشی نیپالی کوہ پیما منگما یالجی شرما کی 13 رکنی ٹیم میں شامل تھے۔

عبدالجوشی کی ٹیم میں چین،روس،آسٹریلیا،پالینڈ،برازیل، تھائی لینڈ اور نیپال کے کوہ پیما بھی موجود تھے۔

عبدالجوشی نے اپریل 2021 میں نیپال کی ماؤنٹ اینا پرنا چوٹی کو بھی سر کیا تھا۔ اس مہم میں ان کے ساتھ سربازخان،سعد منور اور کامران علی شامل تھے۔

انھوں نے اس مہم کو سر کرنے کے بعد علی سدپارہ کو خراج عقیدت پیش کیا۔ ماؤنٹ ایناپرنا کا شمار 8000 میٹر طویل چوٹیوں میں دسویں نمبر پر ہوتا ہے۔ اس کو دنیا کی پرخطر پہاڑ چوٹیوں میں سے ایک کہا جاتا ہے۔

عبدالجوشی کا تعلق گلگت بلتستان کے علاقے ہنزہ کی شمشال ویلی سے ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More