دنیامیں تنازعات کےحل کیلئےمذاکرات کرنا ہونگے،بلاول

سماء نیوز  |  May 19, 2022

وزیرخارجہ بلاول بھٹو زرداری نے کہا ہے کہ دنیا بھر میں تنازعات کے تصفیےکیلئےمذاکرات کی راہ اختیار کرنا ہوگی۔

وزیرخارجہ بلاول بھٹو نےاقوام متحدہ میں فوڈسیکیورٹی اجلاس سے خطاب کرتےہوئے کہا کہ افغان عوام کو بہت سے مسائل کا سامناہے اور افغان عوام کی بڑی تعدادغذائی قلت کا شکارہے تاہم پاکستان نے افغانستان اوریوکرین میں انسانی امداد فراہم کی ہے۔

وزیرخارجہ نے کہا کہ افغان مسئلے کے حل کیلئےعالمی برادری کےساتھ کام کررہےہیں اور موجودہ افغان حکومت نےخواتین کی تعلیم کی یقین دہانی کرائی ہے۔

بلاول بھٹو نے کہا کہ افغان صورتحال کا براہ راست پاکستان پراثرہوتاہے اور اس وقت پاکستان کوتحفظ خوراک اورتوانائی کےچیلنجزکاسامناہے۔

وزیرخارجہ نے یہ بھی کہا کہ پاکستان کوموسمیاتی تبدیلیوں کےباعث چیلنجزدرپیش ہیں جبکہ عالمی سطح پرتحفظ خوراک یقینی بنانےکیلئے مشترکہ کوششیں درکارہے۔

بلاول بھٹو کا کہنا تھا کہ وائرس اوروباء کی کوئی سرحدنہیں ہوتی جب کہ بھوک کی کوئی قومیت نہیں ہوتی۔

پاکستان سے متعلق وزیرخارجہ نے کہا کہ پاکستان میٕں پانی کی شدید قلت ہے اورملک کوقحط کاسامناہے، موسمیاتی تبدیلیوں سےتحفظ خوراک کوبراہ راست خطرہ ہے جبکہ صوبہ سندھ میں دنیامیں سب زیادہ درجہ حرارت ریکارڈکیاگیاہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More