’میرے خلاف میری پارٹی نے سازش کی‘، شاہ محمود قریشی کا پی ٹی آئی پر الزام

اردو نیوز  |  Jun 29, 2022

پاکستان تحریک انصاف (پی ٹی آئی) کے نائب چیئرمین اور سابق وفاقی وزیر خارجہ شاہ محمود قریشی نے انکشاف کیا ہے کہ ان کے خلاف ان کی اپنی پارٹی پی ٹی آئی نے سازش کی ہے۔

صوبہ پنجاب کے شہر ملتان کے انتخابی حلقے پی پی 217 میں عوامی اجتماع سے خطاب کرتے ہوئے شاہ محمود قریشی نے کہا کہ ’میرے خلاف میری اپنی پارٹی نے سازش کی اور 2018 میں مجھے یہاں سے صوبائی اسمبلی کے ممبر سے ہروایا، کس نے؟ پی ٹی آئی نے۔‘

2018 میں میری پارٹی نے میرے خلاف سازش کیشاہ محمود قریشی اپنی پارٹی پر پھٹ پڑے #مکار_عمران pic.twitter.com/T5hXAZXXhf

— پنڈی وال (@RazaMug786) June 29, 2022

’برملا کہہ رہا ہوں اور خان کو بھی کہا ہے آج پنجاب کی یہ کیفیت نہ ہوتی اگر شاہ محمود یہاں سے ایم پی اے ہوتا۔ 217 والو جاگو، مجھے کیا فرق پڑا؟ میں تو وزیر خارجہ بن گیا، تمہیں فرق پڑا، ملتان کو فرق پڑا، جنوبی پنجاب کو فرق پڑا، اگر یہ آپ کا انداز نہیں ہے سوچنے کا گزر جائے گی 17 تاریخ، کوئی فرق نہیں پڑتا۔‘

شاہ محمود قریشی نے اپنے بیٹے زین قریشی کو حلقہ پی پی 217 میں تحریک انصاف کی طرف سے صوبائی اسمبلی کے ضمنی انتخابات لڑنے پر اٹھنے والے تحفظات پر کہا کہ ’کچھ جنگیں جیتنے کے علاؤہ بھی لڑی جاتی ہیں۔‘

خیال رہے پنجاب اسمبلی کے 20 حلقوں پر ضمنی انتخابات 17 جولائی کو ہوں گے جس میں پی ٹی آئی اور پاکستان مسلم لیگ ن کے درمیان کانٹے دار مقابلے کی توقع کی جارہی ہے۔  

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More