بکرا عید کی آمد کے ساتھ مون سون بھی شروع ہوگیا ہے اور اس بات سے تو سب ہی واقف ہیں کہ اس موسم میں مچھر اور مکھیوں کی بہتات ہوجاتی ہے جن سے قربانی کے جانوروں کو بچانا ضروری ہوتا ہے۔ آج ہم آپ کو اس حوالے سے معلومات دیں گے۔
ہاتھ دھو کر جانور کو چھوئیں
جب بھی جانور کے پاس جائیں ہاتھ دھو کر جائیں اور جانور کے پاس سے واپس آکر بھی ہاتھ دھوئیں۔ جانور کو چھونے سے پہلے ہاتھ دھونا اس لیے ضروری ہے کہ آپ کے ہاتھ میں موجود جراثیم اس کے جسم پر نہ لگیں۔
زہریلا لوشن جانور کے جسم پر نہ لگائیں
جانور پر موسپیل وغیرہ لگانے سے گریز کریں کیونکہ وہ زبان اپنے جسم پر پھیرتے ہیں اور اس قسم کی دوائیاں زہریلی ہوتی ہیں۔
مچھر مار اسپرے خود بنائیں
کیڑے مکوڑوں سے بچنے والا پاؤڈر عام پنساری کی دکان پر مل جاتا ہے اس کا ایک چمچ اسپرے بوتل میں ڈالیں اقر دو کافور کی گولیاں پیس کر اسپرے بوتل میں ڈال کر پانی ملا لیں اور جانور رکھنے کی جگہ پر کنارے کنارے اسپرے کریں۔ اس اسپرے کو جانور کے کھانے پر اسپرے نہ کریں
لوبان کی دھونی
لوبان بھی کیڑے مکوڑوں سے بچاتا ہے۔ جس جگہ جانور رہتے ہیں وہاں لوبان کی دھونی دینے سے مچھر مکھی اور یر قسم کے کیڑے مکوڑوں سے نجات مل جاتی ہے۔
پانی کا برتن ڈھک کر رکھیں
جانوروں کے پانی اور کھانے کا برتن ہمیشہ ڈھک کر رکھیں ورنہ پانی میں مچھر پیدا ہوجاتے ہیں۔