عمران خان کے گھر کے قریب فائرنگ، علی امین گنڈا پور اور ٹائیگر فورس کے انچارج پر مقدمہ درج

ہم نیوز  |  Jul 07, 2022

سابق وزیراعظم عمران خان کے بنی گالہ میں گھر کے قریب فائرنگ کا مقدمہ تحریک انصاف کے رہنما علی امین گنڈا پور اور ٹائیگر فورس کے انچارج سمیت 6 افراد کے خلاف درج کر لیا گیا۔

گزشتہ روز فائرنگ سے ایک شخص زخمی ہوا تھا، مدعی مقدمہ نے ٹائیگر فورس کو ہٹانے کی درخواست بھی کر دی۔

مقدمہ خمی نوجوان کے ماموں زاد بھائی کی مدعیت میں درج کیا گیا ہے، مقدمے کے متن میں کہا گیا ہے کہ کزن کی گاڑی کو ٹائیگر فورس کے چار لوگوں نے روک رکھا تھا۔ چاروں نے اسلحہ اورڈنڈے اٹھا رکھے تھے۔ ملزمان نے کہا کہ ہم ٹائیگر فورس ہیں، گاڑی پیچھے کرو ورنہ جان سے مار دیں گے۔ اچانک ملزمان نے فائرنک کردی۔

جس سے کزن پاؤں پر گولی لگنے سے زخمی ہوگیا، فائرنگ کرنے والوں کے نام مثل خان اورعارف مروت ہیں۔ ٹائیگر فورس کے انچارج عاصم کی ایما پر فائرنگ کی گئی۔ متن مقدمہ میں یہ بھی کہا گیا ہے کہ ٹائیگر فورس سے مقامی افراد کی جان چھڑائی جائے، ملزمان کے خلاف کارروائی کی جائے۔۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More