گال ٹیسٹ میں سری لنکا کی 333 رنز کی پہاڑ جیسی برتری

اردو نیوز  |  Jul 18, 2022

پاکستان اور سری لنکا کے درمیان دو ٹیسٹ میچوں کی سیریز کے پہلے ٹیسٹ میچ کے تیسرے دن کا کھیل ختم ہوگیا ہے۔

گال میں کھیلے جارہے ٹیسٹ میچ میں سری لنکا نے دوسری اننگز میں نو وکٹوں کے نقصان پر 329 رنز بنا لیے ہیں اور اس طرح اس کو دوسری اننگز میں پاکستان پر 333 رنز کی برتری حاصل ہوگئی ہے۔

دوسری اننگز میں سری لنکا کی جانب سے دنیش چندیمل 86 رنز بنا کر ناٹ آؤٹ ہیں۔

سری لنکا کی جانب سے دوسری میں اننگز میں کوشل مینڈس نے 76 اور اوشادا فرنینڈو نے 64 رنز سکور کیے ہیں۔

دوسری اننگز میں دنیش چندیمل 86 رنز بنا کر ناٹ آؤٹ ہیں (فوٹو: اے ایف پی)پاکستان کی جانب سے محمد نواز نے پانچ کھلاڑیوں کو آؤٹ کیا جبکہ یاسر شاہ نے تین اور حسن علی نے ایک وکٹ حاصل کی ہے۔

پاکستان نے اس سے پہلے 2015 میں پالیکلے میں کھیلے گئے ٹیسٹ میچ میں 300 رنز سے زیادہ کا ہدف حاصل کیا تھا۔

خیال رہے گال میں جاری پہلے ٹیسٹ میچ کی پہلی اننگز میں پاکستانی ٹیم کپتان بابر اعظم کی سنچری کی بدولت سری لنکا کے 222 رنز کے جواب میں 218 رنز پر آؤٹ ہوگئی تھی۔

پاکستان اور سری لنکا کے درمیان جاری ٹیسٹ میچ کے بارے میں سماجی رابطوں کی ویب سائٹ ٹوئٹر پر بھی تبصرے دیکھنے کو مل رہے ہیں۔

ریحان الحق نامی صارف نے لکھا ہے کہ ’پاکستان کو چوتھی اننگز میں گال میں سب سے زیادہ ہدف حاصل کرنے کا ریکارڈ بنانا ہوگا، تاہم سری لنکا اس وقت فیورٹ ہے، اس سے پہلے چوتھی اننگز میں سب سے زیادہ ہدف سری لنکا نے 268 رنز نیوزی لینڈ کے خلاف 2019 میں بنا کر حاصل کیا تھا۔‘

Pakistan will need to break the record for the highest ever 4th inns successful run-chase at Galle to win. SL firm favs at the moment.

Previous highest 4th inns total to win a Test match at Galle is Sri Lanka’s 268/4 vs NZ in Aug 2019.

— Rehan Ulhaq (@Rehan_ulhaq) July 18, 2022

فاطمہ نامی ایک صارف کہتی ہیں کہ ’اب آؤٹ ہوجاؤ بھائی، رنز اوقات سے باہر ہورہے ہیں۔‘

An out ho jayo Bhai, runs aukat se bahir ho rahy hain

— Fatima Masroor (@beingfatyma_) July 18, 2022

ادریس نامی ایک صارف نے لکھا کہ ’بابر کا پورا بدلہ لے لیا ہے چندیمل نے۔‘

Hassan Ali has slowly turned into a terrible fielder. #PAKvsSL

— S A A D  (@SaadSays22) July 18, 2022

سعد نامی صارف کہتے ہیں کہ ’حسن علی آہستہ آہستہ بہت برے فیلڈر بنتے جارہے ہیں۔‘

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More