آرمی چیف جنرل قمر جاوید باجوہ کا نئے آرمی سائبر کمانڈ کا دورہ

ہم نیوز  |  Aug 05, 2022

اسلام آباد: چیف آف آرمی اسٹاف جنرل قمر جاوید باجوہ نے نئے آرمی سائبر کمانڈ کا دورہ کیا ہے۔

ہم نیوز نے پاک فوج کے شعبہ تعلقات عامہ (آئی ایس پی آر) کے حوالے سے  بتایا ہے کہ آرمی چیف نے آرمی سائبر کمانڈ کے دو اہم اداروں سائبر ڈویژن اور سنٹر آف ایمرجنگ ٹیکنالوجیز کا دورہ کیا ہے۔

آئی ایس پی آر کے مطابق آرمی چیف جنرل قمر جاوید باجوہ کی آمد پر کمانڈر آرمی سائبر کمانڈ لیفٹیننٹ جنرل آصف غفور نے خوش آمدید کہا۔

لیفٹیننٹ جنرل ساحر شمشاد مرزا اور لیفٹیننٹ جنرل اظہر عباس سمیت دیگر اعلیٰ فوجی افسران بھی اس موقع پرموجود تھے۔

آئی ایس پی آر کے مطابق نئی سائبر کمانڈ کی خدمات کو بتدریج تینوں سروسز کے ساتھ جوڑ دیا جائے گا، کمانڈ قومی سطح پر ہم آہنگی کے لیے قومی سائبر اقدامات کا حصہ بھی بنے گی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More