قومی اسمبلی کے اپوزیشن لیڈر کو عہدے سے ہٹانے کی درخواست پر تحریری فیصلہ جاری

ہم نیوز  |  Aug 06, 2022

اپوزیشن لیڈر قومی اسمبلی راجہ ریاض کو ہٹانے سے متعلق کیس کا 2 صفحات پر مشتمل تحریری حکم جاری، لاہور ہائی کورٹ میں استدعا کی گئی  ہے کہ اسپیکر کو پابند کرے کہ درخواست گزار کا موقف سن کر فیصلے کرے۔

تحریری حکم کے مطابق درخواست گزار سے استفسار کیا کہ اسپیکر کس قانون کے تحت نان ممبر کو سن کر فیصلے کرے، درخواست گزار نے اپنے دلائل کے حق میں سپریم کورٹ کا فیصلہ پیش کیا ، عدالت نے حکم دیا کہ ہائیکورٹ آفس پٹیشن کی کاپی اور تمام دستاویزات اسپیکر کو بھجوائے۔

اسپیکر قومی اسمبلی اس پٹیشن کو ہی درخواست سمجھ کر فیصلہ کریں گے،  راجہ ریاض کیخلاف درخواست پر قانون اور اسمبلی رولز کے تحت 30 دن میں فیصلہ کریں، اسپیکر اس حوالے سے بھی مشاورت کرے کہ درخواست گزار کو سننے کا موقع دینا ہے یا نہیں ،ایڈیشنل اٹارنی جنرل متعلقہ حکام کو عدالتی حکم سے آگاہ کریں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More