’پی ٹی آئی کا بیانیہ عوام تک پہنچانے والے صحافیوں کے خلاف کریک ڈاؤن جاری ہے‘

اردو نیوز  |  Aug 15, 2022

پاکستان کے سابق وزیراعظم اور تحریک انصاف کے چیئرمین عمران خان نے کہا ہے کہ ’میں امپورٹڈ حکومت اور ریاستی مشینری کی جانب سے ان میڈیا ہاؤسز اور صحافیوں کے خلاف کریک ڈاؤن مہم کے بارے میں عوام کو خبردار کرنا چاہتا ہوں جو پی ٹی آئی اور میرے بیانیے کو عوام تک پہنچاتے ہیں۔‘

عمران خان نے اتوار کو اپنے ٹویٹ میں لکھا کہ ’دو صحافیوں ارشد شریف اور صابر شاکر کو اپنی جان کے خطرے کے پیش نظر ملک چھوڑنا پڑا۔‘

’میں آئندہ ہفتے پورے پاکستان میں اپنے جلسوں میں صحافتی آزادی اور آزادی اظہار کا معاملہ اٹھاؤں گا۔‘

میں اپنی قوم کو امپورٹڈسرکار اور ریاستی مشینری کیجانب سےان میڈیاہاؤسز اورصحافیوں کیخلاف کریک ڈاؤن کی ایک نہایت غیرمعمولی مہم کےبارےمیں متنبہ کرناچاہتاہوں جو PTI اور میرا بیانیہ عوام تک پہنچاتےہیں۔دوصحافیوں،ارشدشریف اورصابرشاکر کو اپنی جانیں بچانےکی فکر میں پاکستان چھوڑنا پڑا۔

— Imran Khan (@ImranKhanPTI) August 14, 2022

’اگر ہم نے پی ٹی آئی اور میری ذات کو نشانہ بنانے کے لیے تیار کیے گئے اس طرح کے ہتھکنڈوں کو کامیاب ہونے دیا تو ہم دوبارہ آمریت کے تاریک دور میں چلے جائیں گے جہاں آزاد میڈیا اور جرأت اظہار کی گنجائش نہیں ہوتی۔‘

انہوں نے مزید کہا کہ ’حقیقی آزادی کا حصول آئین میں دیے گئے حق اظہار اور آزاد میڈیا کے بغیر ممکن نہیں ہے۔‘

واضح رہے کہ عمران خان نے 13 اگست کو لاہور کے ہاکی سٹیڈیم میں جلسہ سے خطاب کرتے ہوئے اعلان کیا تھا کہ وہ اگلے ہفتے سے ملک کے چاروں صوبوں کے اہم شہروں میں جلسے کریں گے۔

میثاق معیشت احمقانہ خیال ہے: فواد چودھری قبل ازیں پی ٹی آئی رہنما فواد چوہدری نے کہا کہ ملک گیر تحریک کا آغاز ہو چکا ہے، حکومت چند ہفتوں کی مہمان ہے۔

 اتوار کو ایک ٹویٹ میں فواد چوہدری نے کہا کہ شہباز شریف کا الیکشن سے انکار اقتدار سے چمٹا رہنے کی خواہش کا عکاس ہے۔

امپورٹڈ حکومت کے سربراہ شہباز شریف کا انتخابات سے انکار ہر صورت میں اقتدار سے چمٹا رہنے کی ان کی خواہش کا عکاس ہے، میثاق معیشت ایک احمقانہ خیال ہے سیاسی جماعتیں سیاسی فریم ورک پر اکٹھی ہوتی ہیں معاشی فریم ورک صرف کمیونسٹ نظام میں ایک ہوتا ہے،

— Ch Fawad Hussain (@fawadchaudhry) August 14, 2022

انھوں نے وزیراعظم کی جانب سے میثاق معیشت کی پیشکش کو ایک احمقانہ خیال قرار دیتے ہوئے کہا کہ سیاسی جماعتیں سیاسی فریم ورک پر اکٹھی ہوتی ہیں، معاشی فریم ورک تو صرف کمیونسٹ نظام میں ایک ہوتا ہے۔

فواد چوہدری کا کہنا تھا کہ کوئی ذی ہوش اس حکومت کی تباہ کن معاشی پالیسیوں کی حمایت نہیں کر سکتا، کل رات جلسے میں لاکھوں‌ لوگوں‌ نے آزادی کے خواب کی تعبیر کو حقیقی آزادی ملنے تک نامکمل قرار دیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More