خاتون کی ویڈیو وائرل کرنے والے مرکزی ملزم کیخلاف ایف آئی اے میں بھی مقدمہ درج

ہم نیوز  |  Aug 18, 2022

فیصل آباد:  وفاقی تحقیقاتی ادارے (ایف آئی اے) نے بھی فیصل آباد میں خاتون پر تشدد اور تذلیل کرنے کی ویڈیو وائرل کرنے والے مرکزی ملزم کے خلاف مقدمہ درج کر لیا ہے۔

ہم نیوز نے اس ضمن میں بتایا ہے کہ خاتون کی ویڈیو وائرل کرنے کے مرکزی ملزم شیخ دانش کے خلاف ایف آئی اے سائبرکرائم میں مقدمہ درج کیا گیا ہے۔

آیف آئی اے میں درج کی جانے والی ایف آئی آر متاثرہ خاتون کی مدعیت میں درج کی گئی ہے اور درج ایف آئی آر میں بھی شیخ دانش کو مرکزی ملزم کے طور پر نامزد کیا گیا ہے۔

ذرائع کے مطابق ایف آئی اے سائبر کرائم ونگ نے مقدمہ نمبر 125 درج کر کے ایف آئی آر سیل کردی ہے، سائبر کرائم ونگ ملزمان کا پولیس ریمانڈ پورا ہونے کے بعد اپنی تحویل میں لے گا۔

واضح رہے کہ فیصل آباد میں ایک خاتون پر تشدد کرنے اور ان کی تذلیل کرنے کی ویڈیو سوشل میڈیا پر وائرل ہوئی تھی جس کے بعد پولیس نے ملزمان کو گرفتار کیا ہے جو اس وقت ریمانڈ پر ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More